రాశీ ఖన్నా ప్రస్తుతం కోలీవుడ్లో విశాల్ సరసన ‘అయోగ్య’ చిత్రంలో హీరోయిన్ గా నటిస్తుంది. దీంతో పాటూ తెలుగులో నాగచైతన్య సరసన ‘వెంకీమామ’ చిత్రంలో కూడా నటిస్తుంది. ఈ రెండు చిత్రాల్లోనూ ఏమెది గ్లామర్ పాత్ర. ఈమె తరువాత నటించే చిత్రాలు దాదాపు గ్లామర్ పాత్రలే. ఈమధ్య కాలంలో ఒక్క ‘తొలిప్రేమ’ చిత్రం తప్ప ఈమె చేసినవన్నీ గ్లామర్ పాత్రలే. ఇలా కేవలం గ్లామరస్‌ పాత్రలకే పరిమితం అయితే మీ కెరీర్‌కు ప్రాబ్లమ్‌ అవుతుందనిపించడంలేదా? అని ఆమెనే అడిగితే కొన్ని ఆసక్తికరమైన సమాధానాలు చెప్పింది.
రాశిఖన్నా మాట్లాడుతూ.. ‘‘ప్రస్తుతం ఎక్కువగా గ్లామర్ పాత్రలు చేస్తున్నాను. కానీ ఒక మంచి యాక్టర్‌గా నాకు ప్రేక్షకుల మెప్పు దక్కిందనే అనుకుంటున్నాను.నేను చేస్తున్న కొన్ని కమర్షియల్‌ సినిమాల్లో గ్లామరస్‌ పాత్రలు పోషించినంత మాత్రాన నా కెరీర్‌కు ఏదో ప్రాబ్లమ్‌ అయిపోతుందున్న భయం లేదు. కథ నచ్చితే స్ట్రాంగ్‌ రోల్స్‌ చేయడానికి సిద్ధంగా ఉన్నాను. ‘ఇమ్మైక్క నొడిగల్‌ (తెలుగులో ‘అంజలి సీబీఐ’), అడంగామారు’ వంటి తమిళ సినిమాల్లో నావి భిన్నమైన పాత్రలే. బాగా యాక్ట్‌ చేశావని అందరూ మెచ్చుకున్నారు’’ అంటూ చెప్పుకొచ్చింది ఈ భామ.
