దర్శకుడు మారుతి విభిన్నమైన కథలను ఎన్నుకుంటూ సినిమాలు చేస్తుంటాడు. ప్రతీ సినిమాలో ఓ కొత్త పాయింట్ ఉండేలా చూసుకుంటాడు. ఆయన సినిమాల్లో ఎంటర్టైన్మెంట్ కి కొదవ ఉండదు. కొన్ని క్యారెక్టర్లను కావాలనే క్రియేట్ చేసి.. వాటి చుట్టూ కావాల్సినంత ఫన్ క్రియేట్ చేస్తుంటాడు. ఈ మధ్యకాలంలో హీరోయిన్ల పాత్రలపై కూడా దృష్టి పెడుతూ కామెడీ పండిస్తున్నాడు. ‘ప్రతిరోజూ పండగే’ సినిమాలో రాశిఖన్నాను ఏంజిల్ ఆర్న అనే ఫన్నీ క్యారెక్టర్ లో చూపించాడు.
టిక్ టాక్ వీడియోలు చేస్తూ తనకు తనే ఏంజిల్ అని ఫీల్ అయ్యే రోల్ అది. ఆ పాత్ర నుండి కావాల్సినంత కామెడీ పండించాడు మారుతి. రాశిఖన్నాను టిక్ టాక్ స్టార్ గా చూపించిన మారుతి.. ఇప్పుడు తన కొత్త సినిమాలో సీరియల్ స్టార్ గా చూపించబోతున్నాడట. గోపీచంద్ హీరోగా మారుతి ‘పక్కా కమర్షియల్’ అనే సినిమాను రూపొందిస్తోన్న సంగతి తెలిసిందే. ఈ సినిమాలో రాశిఖన్నానే హీరోయిన్. ఇందులో కూడా రాశి రోల్ కామెడీతో నిండి ఉంటుందట.
కథలో భాగంగా ఆమె సీరియల్ స్టార్ గా కనిపిస్తుందట. షూటింగ్ లో భాగంగా రాశిఖన్నా లాయర్ డ్రెస్ వేసుకొని ఉన్న ఫోటోలు బయటకి వచ్చాయి. అది కూడా సీరియల్ లో భాగమా..? లేక రాశి లాయర్ గా పనిచేస్తూ సీరియల్స్ లో నటిస్తుంటుందా..? అనేది తెలియాలి. ఈ పాత్ర ద్వారా సీరియల్స్ ట్రెండ్ ని, సీరియల్స్ లో నటించే నటీనటులను సెటైరికల్ గా చూపించబోతున్నాడట మారుతి. ఈ సన్నివేశాలను చాలా బాగా వచ్చాయని.. ఆడియన్స్ కి ఫుల్ ఎంటర్టైన్మెంట్ అని చెబుతున్నారు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
