శివ మనుసులో శృతి చిత్రం ద్వారా తెలుగు తెరకు పరిచయమైన భామ రెజీనా. పవర్, పిల్లా నువ్వులేని జీవితం, సుబ్రహ్మణ్యం ఫేర్ సేల్ వంటి చిత్రాల్లో బాగా నటించి విమర్శకుల ప్రశంసలు అందుకుంది. ఓ వైపు చీరకట్టుతో హోమ్లీ పాత్రలను చేస్తూనే.. యువతను ఆకట్టుకునే లుక్ తో దూసుకుపోతోంది. నారారోహిత్ సరసన రెజీనా నటించిన చిత్రం ‘శంకర’ పోస్ట్ ప్రొడక్షన్ దశలో ఉంది.
ప్రస్తుతం ఆమె శ్రీనివాస్ అవసరాల ‘జ్యో అచ్యుతానంద’, సందీప్ కిషన్ హీరోగా కృష్ణ వంశీ తెరకెక్కిస్తున్న ‘నక్షత్రం’ చిత్రంలోనూ నటిస్తోంది. విజయాలు వెంటే వివాదాలు వచ్చినట్లు.. ఈ మధ్య రెజీనా పై అనేక రూమర్లు చక్కర్లు కొట్టాయి. ఓ పత్రికా ఇంటర్వ్యూ లో వాటన్నిటికీ క్లారిటీ ఇచ్చింది. నక్షత్రం’ చిత్రంలో నటించడానికి తాను రెమ్యునరేషన్ తీసుకోలేదనే వార్తల్లో నిజం లేదని చెప్పింది. “మెగాస్టార్ చిరంజీవి 150 వ చిత్రం కత్తిలాంటోడులో ఐటెం సాంగ్ చేయమని ఎవరూ నన్ను అడగలేదు. అందులోనే కాదు .. ఏ చిత్రంలో ఐటెం సాంగ్లో కనిపిండానికి నేను ఒప్పుకోను” అని రెజీనా స్పష్టం చేసింది.
తన డ్రస్ విషయంలో ఎవరు ఎన్ని చెప్పినా పట్టించుకోనని వెల్లడించింది. “చీరకట్టి ఒక పిల్లోడికే కాదు. వందమంది పిల్లలకు అమ్మగా నటించడానికి సిద్దమే. సెక్సీ లుక్ తో కనిపించడం ఇష్టమే. పాత్ర డిమాండ్ ను బట్టి అలా ధరిస్తాను” అని చెప్పింది. నక్షత్రం సినిమాలో బికిని వేస్తారా ? అని విలేఖరి అడిగిన ప్రశ్నకు రెజీనా స్పందిస్తూ “ఇప్పుడు అయితే నాకు తెలియదు. ఓ సారి కృష్ణ వంశీ గారు … బికినితో గేమ్ ఆడే సన్నివేశం పెట్టాలనుకుంటున్నాను. నీకు ఓకేనా అని క్యాజువల్ గా అడిగారు. అప్పుడు నేను నాకేమి ప్రాబ్లమ్ లేదు. ఉన్నట్లైతే నెల రోజుల ముందు చెప్పండి .. కొంత ప్రిపేర్ కావాల్సి ఉంటుందని చెప్పాను “అని వెల్లడించింది.
