సినిమా హీరోలు కథలో, డైరెక్షన్ లో వేళ్ళు, కుదిరితే కాళ్ళు పెట్టడం అనేది సర్వసాధారణం. కానీ.. యువ కథానాయకుడు రాజ్ తరుణ్ ఏకంగా తల కూడా దూర్చేస్తున్నాడట. అందుకే మూడు ప్రొజెక్టులు కోల్పోయాడని ఇవాళ ఓ ప్రముఖ ఆంగ్ల పత్రిక ప్రత్యేక కథనం ప్రచురించింది.
“సినిమా చూపిస్త మావ, కుమారి 21ఎఫ్” సినిమా రిలీజ్ టైమ్ లో ఇచ్చిన ఇంటర్వ్యూల్లో మరో నాలుగైదు సినిమాలు పైప్ లైన్లో ఉన్నట్లు చెప్పిన రాజ్ తరుణ్ చేతిలో ప్రస్తుతం ఒక్క సినిమా కూడా లేదు.
“ఈడోరకం ఆడోరకం” సినిమా కమర్షియల్ గా మంచి విజయం సాధించినప్పటికీ.. ఫ్యామిలీస్ చూడలేని, చూడకూడని సినిమాగా పేరు తెచ్చుకోవడంతో.. సదరు సక్సెస్ ను కూడా పూర్తి స్థాయిలో ఎంజాయ్ చేయలేకపోయాడు.
ఇప్పుడేమో సినిమాలో అనవసరంగా కాళ్ళూ-చేతులు పెడుతున్నాడని ఉన్న సినిమాల్లో నుంచి తొలగింపబడ్డాడు. మరి ఈ కుర్ర హీరో గమనం ఎటువైపో అతడికైనా తెలుసో లేదో!
