సినిమా రిలీజ్ అయిన తర్వాత కలక్షన్స్, ప్రేక్షకుల అభిప్రాయాలూ తెలుసుకొని సినిమాని డబ్బింగ్ చేసుకోవాలా? రీమేక్ చేయడానికి కొనాలా అని ఆలోచిస్తారు. కానీ రవితేజ చిత్రానికి ఇది వర్తించలేదు. సెట్స్ మీద ఉండగానే రీమేక్ హక్కులకోసం పోటీ పడ్డారు. అనిల్ రావిపూడి దర్శకత్వంలో రవితేజ చేస్తున్న “రాజ ది గ్రేట్” సినిమా ఫస్ట్ లుక్, టీజర్ తో సంచలనం సృష్టించింది. టాలీవుడ్ లో మొదలైన ప్రకంపనలు బాలీవుడ్ వరకు చేరాయి. అందుకే అక్కడి వారు ఈ సినిమా రీమేక్ హక్కులకోసం క్యూ కట్టారు. ఓ హిందీ ప్రొడక్షన్ హౌస్ వారు 10 కోట్లు చెల్లించి రీమేక్ హక్కులను సొంతం చేసుకున్నట్లు తెలిసింది.
శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ సినిమా రిలీజ్ కి ముందే లాభాలను తెచ్చి పెట్టింది. మొన్న శాటిలైట్ హక్కుల రూపంలో అధిక మొత్తం అందుకున్న దిల్ రాజు ఇప్పుడు రీమేక్ రూపంలో కోట్లు సొంతం చేసుకున్నారు. విడుదలకు ముందే భారీ బిజినెస్ చేస్తున్న రాజా ది గ్రేట్ అక్టోబర్ 12న రిలీజ్ కానుంది. అప్పుడు ఎన్ని రికార్డులను బద్దలు కొడుతుందో చూడాలి.
