ఖరారు అయిన ‘రాజా ది గ్రేట్’ టీజర్ రిలీజ్ డేట్

అనిల్ రావిపూడి దర్శకత్వంలో మాస్ మహారాజ్ రవితేజ హీరోగా నటిస్తున్న ‘రాజా ది గ్రేట్’ మూవీ వేగంగా షూటింగ్ జరుపుకుంటోంది. శ్రీ వెంకటేశ్వర క్రియేషన్స్ పతాకంపై శిరీశ్ నిర్మిస్తున్న ఈ చిత్రంలో రవితేజ అంధుడిగా కనిపించనున్నారు. ‘దిల్’ రాజు సమర్పిస్తున్న ఈ చిత్రంలో ‘రవితేజ’ సరసన ‘మెహరీన్’ హీరోయిన్ గా నటిస్తోంది. ఈ ప్రయోగాత్మక చిత్రాన్ని అక్టోబర్ 12 నా విడుదల చేయడానికి ప్రయత్నిస్తున్నారు. అయితే ఈరోజు మూవీలోని ఒక స్టిల్ ని రిలీజ్ చేశారు. అందుల వాకింగ్ స్టిక్ పట్టుకొని కూర్చొని ఆలోచిస్తున్న రవితేజ పోస్టర్ విశేషంగా ఆకట్టుకుంటోంది.

ఈ పోస్టర్ తో అభిమానులకు ఓ గుడ్ న్యూస్ చెప్పారు. ఈ మూవీ టీజర్ ని ఈ నెల 15 రిలీజ్ చేస్తున్నట్లు అధికారికంగా ప్రకటించారు. బెంగాల్ టైగర్ తర్వాత చాలా గ్యాప్ రావడంతో మాస్ మహారాజ్ సినిమా కోసం ఆతృతగా ఫ్యాన్స్ ఎదురుచూస్తున్నారు. ఆగస్టు 15 న వచ్చే టీజర్ అభిమానులకు ఉత్సాహాన్ని ఇస్తుందని చిత్ర బృందం స్పష్టం చేసింది. ఈ సినిమాతో పాటు రవితేజ విక్రమ్ సిరికొండ దర్శకత్వంలో ‘ టచ్ చేసి చూడు ‘ అనే చిత్రం చేస్తున్నారు. ఈ చిత్ర విశేషాలు కూడా త్వరలోనే బయటికి రానున్నాయి.

Also, do SUBSCRIBE to our YouTube channel to get latest Tollywood updates.