డైరెక్టర్ రాజమౌళి జూనియర్ ఎన్టీఆర్, రామ్ చరణ్ తేజ్ తో కలసి చేస్తున్న భారీ మల్టీస్టార్ సినిమా ‘ఆర్.ఆర్.ఆర్’. ఈ సినిమా షూటింగ్ ఇటీవలే హైదరాబాద్ లో వేసిన భారీ సెట్ లో మొదలైన విషయం తెలిసిందే. ఇద్దరు స్టార్ హీరోలతో కలసి జక్కన ఎలాంటి వండర్స్ క్రియేట్ చేస్తాడో అనే ఆసక్తి అందరిలో ఉండగా ఈ సినిమాలో మిగిలిన నటీనటులు ఎవరనేది ఇప్పటికి బయటకి రాలేదు. అయితే మ్యాజిక్ నంబర్స్ ని సెంటిమెంట్ గా భావిస్తున్న జక్కన, సినిమా గురించే చేసే మరొక ప్రకటన కోసం ఇంకొక మ్యాజిక్ నెంబర్ ని ఫిక్స్ చేసుకున్నట్లుగా వార్తలు వస్తున్నాయి.
ఇక విషయంలోకి వెళితే, ‘ఆర్.ఆర్.ఆర్’ సినిమా లాంచ్ చేయడానికి జక్కన 11-11-11 అనే నెంబర్ ముందుగానే ఫిక్స్ చేసుకున్నాడు. అంటే నవంబర్ 11 వ తేదీ ఉదయం 11 గంటలకు సినిమాని లాంచ్ చేసాడు. అదేవిధంగా డైరెక్టర్ రాజమౌళి ఇంకొక డేట్ ని కూడా ఫిక్స్ చేసినట్లుగా తెలుస్తుంది. అదే 12-12-12 , ఈ తేదీన ఆర్.ఆర్.ఆర్ సినిమాలో కథానాయికలు ఎవరనేది ఒక ప్రకటన రానున్నట్లుగా తెలుస్తుంది. మరి ఇప్పటికే ఇందులో ఎవరు ఎవరు నటిస్తారనే కుతూహలంతో ఉన్న అభిమానవులకు ఆ మ్యాజిక్ డేట్ రోజున జక్కన్న ఎలాంటి సర్ప్రైజ్ ఇస్తాడో వెయిట్ చేయాల్సిందే.
