యంగ్ రెబల్ స్టార్ ప్రభాస్ విశ్రాంతి లేకుండా శ్రమిస్తున్నారు. గత నెల వరకు రామోజీ ఫిలిం సిటీలో వేసిన భారీ సెట్ లో బాహుబలి కంక్లూజన్ క్లైమాక్స్ షూటింగ్ లో పాల్గొన్న డార్లింగ్.. వెంటనే కొన్ని కీలక సన్నివేశాల చిత్రీకరణ కోసం కష్టపడుతున్నారు. అనుష్క, ప్రభాస్ కాంబినేషన్లో ఉన్న సీన్లను దర్శకధీరుడు రాజమౌళి ప్రస్తుతం తెరకెక్కిస్తున్నారు. హైదరాబాద్ నగర శివార్లలోని క్వారీలో వేసిన గూడెం సెట్ లో సెటిమెంట్ సీన్లను కెమెరాతో బంధిస్తున్నారు.
ఇక్కడ చిత్రీకరణ దాదాపు పూర్తి కావచ్చింది. మళ్లీ చిత్ర బృందం రామోజీ ఫిల్మ్ సిటీ కి షిప్ట్ కానుంది. అక్కడ వచ్చే నెల మొత్తం మిగిలిన సన్నివేశాలన్నింటినీ పూర్తి చేయనున్నట్లు సమాచారం. నవంబర్ నాటికి బాహుబలి కంక్లూజన్ ఆఖరి షెడ్యూల్ కి పేకప్ చెప్పనున్నట్లు తెలిసింది. ఆ తర్వాత ఎడిటింగ్, వీఎఫ్ఎక్స్ పనుల్లోకి రాజమౌళి దిగుతారు. అప్పుడు ప్రభాస్ తన బాహుబలి గెటప్ కి కూడా గుడ్ బై చెప్పనున్నారు. ప్రపంచ వ్యాప్తంగా సినీ అభిమానులు ఎదురుచూస్తున్న ఈ సినిమా వచ్చే ఏడాది ఏప్రిల్ 28 న రిలీజ్ కానుంది.
https://www.youtube.com/watch?v=tA5SBOcZJSE
