స్టార్ హీరోల సినిమాలు మొదలవుతున్నాయంటేనే అభిమానుల సంబరాలు ఆరంభమవుతాయి. ఆ సినిమా విడుదలయ్యేలోపు సదరు హీరో పుట్టినరోజు వచ్చిందే అనుకుందాం. అదెంత క్రేజీ కాంబినేషన్ సినిమా అయినా పూర్తయ్యేవరకు ఓ టీజర్ అయినా వదలకపోతారా అని ఎదురుచూస్తుంటారు అభిమానులు. కొన్నిసార్లు ఆ ఎదురుచూపులు ఫలించవు. మొన్నటికి మెగాస్టార్ పుట్టినరోజు నాడు జరిగిందదే. సినిమాలోని డైలాగ్ ఏదైనా బయటికొస్తుందేమో అనుకుంటే ఓ స్టిల్ తో టీజర్ విడుదల చేసి మమ అనిపించారు. ఇప్పుడు ప్రభాస్ విషయంలోను రాజమౌళి అదే విధంగా అభిమానుల ఆశలపై నీళ్లు జల్లుతారా అన్న అనుమానాలు వ్యక్తమవుతున్నాయి.
విషయానికొస్తే.. అక్టోబర్ 23న ప్రభాస్ పుట్టిన రోజు సందర్బంగా ‘బాహుబలి – ది కంక్లూజన్’ టీజర్ విడుదలవుతుందని ప్రచారం జరుగుతోంది. అయితే జక్కన్న వ్యూహాలు ఎవరికీ అంతు చిక్కవు. సినిమా పూర్తయితే తప్ప ప్రచార జోలికి పోకూడదనుకుంటే గనక అభిమానులు చేసేదేం లేదు. ఇక సినిమా షూటింగ్ నవంబర్ నాటికి పూర్తి చేయాలని కంకణం కట్టుకున్నారు జక్కన్న అండ్ కో. తర్వాత పూర్వ నిర్మాణానంతర కార్యక్రమాలు, ప్రచార సన్నాహాలు పూర్తి చేసి వచ్చే సంవత్సరం ఏప్రిల్ 28న తెరమీదికి తీసుకొస్తారు.
https://www.youtube.com/watch?v=7gu1Eeu663s
