“బాహుబలి” లాంటి ఇండియాస్ బిగ్గెస్ట్ హిట్ అనంతరం రాజమౌళి అత్యంత ప్రతిష్టాత్మకంగా మొదలెట్టిన ప్రొజెక్ట్ “ఆర్ ఆర్ ఆర్”. ఎన్టీఆర్, రామ్ చరణ్ ల క్రేజీయస్ట్ కాంబినేషన్ లో తెరకెక్కుతున్న ఈ చిత్రానికి ముందు నుంచీ ఏదో ఒక అవాంతరం ఎదురవుతూనే ఉంది. ముందు ఎన్టీఆర్, తర్వాత రామ్ చరణ్ గాయపడడంతో ప్రొజెక్ట్ కాస్త డిలే అయ్యింది. గాయం నుంచి కోలుకొన్నాక ఎన్టీఆర్ తన పార్ట్ షూటింగ్ లో నిమగ్నమవ్వగా.. చరణ్ మాత్రం “సైరా” ప్రమోషన్స్ లో బిజీగా ఉండిపోయాడు. పోన్లే స్వంత ప్రొడక్షన్ సినిమా, అది కూడా తండ్రి ఏళ్ల నాటి కల కదా అని రాజమౌళి & టీం ఏమీ అనలేదు.
కానీ.. ఇప్పుడు చరణ్ మళ్ళీ చిరంజీవి మొదలెట్టిన కొత్త సినిమాలోనూ ఇన్వాల్వ్ అవుతూ.. “ఆర్ ఆర్ ఆర్” షూటింగ్ కు సమయం కేటాయించకపోతుండడంపై రాజమౌళి సీరియస్ అయ్యాడని తెలుస్తోంది. జూలై 2020లో సినిమాను విడుదల చేయాలని రాజమౌళి ప్లాన్ చేస్తుండగా.. ఇప్పటికే వాయిదా వేయడం తప్పేలా లేకపోవడం, చరణ్ ఇంకా లేట్ చేస్తుండడంతో రాజమౌళి ముందు ఈ సినిమా పూర్తి చేసి తర్వాత మిగతా పనులు చూసుకోమని చెప్పాడని ఇండస్ట్రీలో టాక్ నడుస్తోంది.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
