Rajendra Prasad: సినిమా విజయం కాకుంటే ఇకపై నటించను: రాజేంద్ర ప్రసాద్

తెలుగు ఇండస్ట్రీలో రాజేంద్రప్రసాద్ గురించి ప్రత్యేకంగా పరిచయం చేయాల్సిన అవసరం లేదు. అహ నా పెళ్లంట, లేడీస్ టైలర్, అప్పుల అప్పారావు వంటి సినిమాల ద్వారా కామెడీ హీరోగా రాజేంద్ర ప్రసాద్ మంచి గుర్తింపు తెచ్చుకున్నాడు. మేడమ్, ఆ నలుగురు సినిమాలో ఆయన నటనకు నంది అవార్డు అందుకున్నాడు. హీరోగా ఎన్నో సినిమాలలో నటించిన రాజేంద్ర ప్రసాద్ ప్రస్తుతం సినిమాలలో కీలకమైన పాత్రలను పోషిస్తూ ఇప్పటికీ ఇండస్ట్రీలో కొనసాగుతున్నాడు. .

ఇదిలా ఉండగా రాజేంద్రప్రసాద్ అనిల్ రావిపూడి దర్శకత్వం వహించిన F2 సినిమాలో నటించి ఆయన కామెడీతో అందరిని నవ్వించాడు. ఈ క్రమంలో ఇటీవల నిర్మితమైన F3 సినిమాలో కూడా రాజేంద్ర ప్రసాద్ నటించారు. అయితే ఈ F3 సినిమా ప్రీ రిలీజ్ ఈవెంట్ శిల్పకళావేదికలో జరిగింది. ఈ కార్యక్రమానికి హాజరైన రాజేంద్రప్రసాద్ ఈ సందర్భంగా మాట్లాడుతూ పలు ఆసక్తికరమైన వ్యాఖ్యలు చేశారు. ఈ సందర్భంగా రాజేంద్రప్రసాద్ మాట్లాడుతూ… ” అందరి జీవితాల్లోనూ వచ్చే సమస్యలకు పరిష్కారం నవ్వు..

ప్రస్తుత కాలంలో అందరి సమస్యలను మరిపించే ఈ F3 సినిమా చాలా అవసరం . నేను 40 సంవత్సరాలుగా నవ్వుని నమ్ముకుని బ్రతుకుతున్నాను. ఈ సినిమాలోని ప్రతి ఒక్క ఆర్టిస్ట్ వందశాతం ప్రేక్షకులను నవ్విస్తారు. డైరెక్టర్ అనిల్ రావిపూడి ఈ సినిమాని చాలా అద్భుతంగా తెరకెక్కించాడు. ఈ సినిమా హిట్ కాకపోతే మళ్లీ ముందు కనిపించను అంటూ గుండెల మీద చెయ్యి వేసుకుని చెప్పాడు. నాకూ ఈ సినిమా మీద అంత నమ్మకం ఉంది.

ఈ F3 సినిమా ప్రతి ఒక్కరూ చూడాల్సిన సినిమా అంటూ రాజేంద్ర ప్రసాద్ చెప్పుకొచ్చాడు. F2 మంచి హిట్ అవటంతో ఈ సినిమా మీద కూడా భారీ అంచనాలు ఉన్నాయి. సినిమా విడుదల తేది దగ్గర పడుతుండటంతో సినిమా ప్రమోషన్స్ కూడా భారీ స్థాయిలోనే జరుగుతున్నాయి. ఇప్పటికే ఈ సినిమా నుండి విడుదలైన టీజర్ , పాటలు సినిమా మీద ప్రేక్షకుల అంచనాలను పెంచుతున్నాయి.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!

Share.