వరుసగా రెండు ఘోర పరాజయాల తర్వాత రజనీ లాంటి స్టార్ హీరో అగ్ర దర్శకులను కాదని మరీ ఓ యువ దర్శకుడికి అవకాశం ఇవ్వడం, అప్పట్లో వచ్చిన ‘బాషా’లో డాన్ గా శక్తివంతమైన పాత్ర పోషించిన రజనీ మళ్ళీ డాన్ గా కనపడనున్నారని తెలియడం, ఎన్నడూ లేనిది ‘కబాలి’ కోసం రజనీ గడ్డం పెంచడం వంటి ఎన్నో కారణాల మూలంగా సూపర్ స్టార్ నటించిన ‘కబాలి’ సినిమాపై భారీ అంచనాలు నెలకొన్నాయి. తీరా సినిమా చూశాక నిరాశపడ్డవారే ఎక్కువ. అలాంటి ఈ సినిమాకి సీక్వెల్ రానుందని కోలీవుడ్ టాక్.
సినిమాకి మిశ్రమ స్పందన వచ్చినప్పటికీ దర్శకుడు రంజిత్ ప్రతిభను నమ్మి అతడికే మరో అవకాశం ఇచ్చారు రజనీకాంత్. ధనుష్ ఈ సినిమా నిర్మిస్తున్నట్టు ప్రకటన కూడా వచ్చింది. అది ‘కబాలి 2’ కాదని అప్పుడే స్పష్టం చేశారు. అయితే ‘కబాలి’ చిత్ర నిర్మాత ‘కలైపులి’ ఎస్ థాను ‘కబాలి 2’ టైటిల్ ని ఇటీవల రిజిస్టర్ చేయించారట. అయితే రజనీ సహా దర్శకుడు రంజిత్ దీనిపై ఇప్పటివరకు స్పందించనే లేదు. మరోవైపు ఈ సినిమాలో నాయికగా ఎంపికై త్రిష తన చిరకాల కోరిక తీర్చుకుందన్న వార్తలు కూడా తమిళనాట సెగలు రేపుతున్నాయి. వీటిపై క్లారిటీ వచ్చేది ఎప్పుడో.. ఇచ్చేదెవరో..?
Also, do SUBSCRIBE to our YouTube channel to get latest Tollywood updates.
