డిసెంబర్ 12 వ తేదీ అంటే సౌత్ ఇండియన్ సూపర్ స్టార్ రజనీకాంత్ అభిమానులకు పండుగ వంటిది. ఆ రోజు తమ అభిమాన హీరో పుట్టినరోజు కావడంతో ఆలయాల్లో పూజలతో పాటు, అనేక కార్యక్రమాలు చేపడుతుంటారు. రెండురోజుల్లో 66 వ అవసంతంలోకి రజనీ అడుగుపెట్టబోతున్నారు. అయితే ఈ సారి పుట్టినరోజుని తాను జరుపుకోవడం లేదని, అభిమానులు సైతం ఎక్కడా హంగామా చేయవద్దని సూపర్ స్టార్ పిలుపునిచ్చారు.
తమిళనాడు ప్రజలు ఆరాధ్య దైవంగా భావించే దివంగత ముఖ్యమంత్రి జయలలిత సెంబరు 6న మరణించడంతో ప్రభుత్వం వారం రోజులు సంతాపదినాలుగా ప్రకటించింది. శోకసముద్రంలో ప్రజలు మునిగివున్న ఈ సమయంలో బ్యానర్లు, ఫ్లెక్సీలు పెట్టి ఇబ్బంది కలిగించవద్దని రజనీ ఫ్యాన్స్ కి చెప్పారు. శంకర్ దర్శకత్వంలో రోబో 2 .0 షూటింగ్లో బిజీగా ఉన్న సూపర్ స్టార్ జయలలిత మరణ వార్త వినగానే షూటింగ్ కి బ్రేక్ చెప్పి రాజాజీ హాలు వద్ద అమ్మ భౌతికకాయాన్ని చూసేందుకు హుటాహుటిన వచ్చిన సంగతి తెలిసిందే. ఇప్పుడు బర్త్ డే వేడుకను రద్దు చేసి ఆమెపై గౌరవాన్ని చాటుకున్నారు.
Also, do SUBSCRIBE to our YouTube channel to get latest Tollywood updates.
