సాధారణంగా రీమేక్ సినిమా అంటే.. అది ఏ భాష నుండీ.. ఏ సినిమా రీమేక్ చేస్తున్నారు.. అనేది దర్శక నిర్మాతలు ముందుగానే చెప్పేస్తుంటారు. అయితే కొంతమంది అసలు రీమేక్ చేస్తున్న సంగతి కూడా సినిమా తీసేసిన సందర్భాలు కూడా ఉన్నాయి. అయితే అప్పట్లో సోషల్ మీడియా అంత పాపులర్ అవ్వలేదు కాబట్టి.. కుదిరాయి. కానీ ఇప్పుడు అలా కాదు. ప్రేక్షకులు ఒక్క తెలుగు సినిమాలు మాత్రమే కాదు.. పరభాషా సినిమాలు కూడా చూసేస్తున్నారు. డిజిటల్ ప్లాట్ ఫామ్స్ కూడా పెరిగాయి. తెలుగు సినిమా ట్రైలర్స్ లో చిన్న సీన్ కాపీ గా అనిపించినా పలనా భాషలో … పలానా సినిమా నుండీ లేపేసారని కామెంట్లు పెట్టేసి రచ్చ చేసేస్తున్నారు.
ఇక అసలు మేటర్ ఏంటంటే.. ‘ప్రేతమ్’ సినిమాని ‘రాజు గారి గది 2’ గా తెలుగులోకి రీమేక్ చేసాడు. అయితే ఆ విషయాన్ని మొదట ఓంకార్ చెప్పలేదు. ఆ సినిమా నుండీ సోల్ తీసుకొని కథను రాసుకొన్నానంటూ సోషల్ మీడియాలో నెటిజన్లు కామెంట్స్ చేసాక ఓంకార్ చెప్పుకొచ్చాడు. ఇక ‘రాజు గారి గది 3’ కి కూడా అదే రిపీట్ చేస్తున్నాడు ఓంకార్ అనే కామెంట్స్ వస్తున్నాయి. ఈ చిత్రం కూడా ‘దిల్లుకు దుడ్డు 2’ అనే తమిళ సినిమా రీమేక్ అని సోషల్ మీడియాలో కామెంట్స్ చేస్తున్నారు నెటిజన్లు. మరి ఈ కామెంట్స్ పై ఓంకార్ ఏం ఆన్సర్ చేస్తాడు అనేది చూడాల్సి ఉంది.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
