“స్పైడర్” తర్వాత రకుల్ ఒక్కటంటే ఒక్క తెలుగు సినిమాలో కూడా కనిపించలేదు. అందుకు కారణం తాను బాలీవుడ్, కోలీవుడ్ సినిమాల్లో బిజీగా ఉండడమే అని చెబుతున్నప్పటికీ.. కనీసం ఒక తెలుగు సినిమా ఎందుకు సైన్ చేయలేదని కొందరు ప్రశ్నిస్తున్నారు. అయితే.. ఇదంతా తమిళనాట జరిగిన సినిమా స్ట్రైక్ వల్ల తలెత్తిన సమస్య అని తెలిసొచ్చింది. నిజానికి సూర్యతో సైన్ చేసిన “ఎన్ జి కె”, కార్తీతో నటించిన “దేవ్” సినిమాలు ఒకేసారి మొదలవ్వగా.. మధ్యలో జరిగిన తమిళ సినిమా బంద్ వల్ల దాదాపు మూడు నెలల పాటు తమిళ సినిమాల షూటింగ్స్ అన్నీ ఆగిపోయాయి. దాంతో రకుల్ డేట్స్ అనీ వేస్ట్ అయిపోయాయి.
ఆ గ్యాప్ లో వేరే కొత్త సినిమాలు కమిట్ అవ్వలేక.. ఉన్న సినిమాలు పూర్తి చేయలేక బాలీవుడ్ లో మరో సినిమా సైన్ చేసేసింది. ఈ కారణాల వలన రకుల్ తెలుగులో సినిమాలు సైన్ చేయడం జరగలేదట. ఈ విషయాన్ని రీసెంట్ గా తన స్నేహితులతో పంచుకొని బాధపడిందట రకుల్. ఇప్పుడు ఆ ప్రోబ్లమ్స్ అన్నీ తీరిపోవడంతోపాటు డేట్స్ ప్రోబ్లమ్ కూడా లేదు కాబట్టి ఏదైనా మంచి సినిమా వస్తే సైన్ చేద్దామని రెడీగా ఉంది రకుల్. ఈ విషయం తెలిసిన దర్శకనిర్మాతలెవరైనా ఆమెను అప్రోచ్ అయితే రకుల్ తెలుగు ఫ్యాన్స్ అందరూ హ్యాపీ ఫీల అవుతారు.
