మెగా పవర్ స్టార్ రామ్ చరణ్ తేజ్, ఊర మాస్ డైరక్టెర్ బోయపాటి శ్రీను కలయికలో రానున్న సినిమా కొన్ని రోజుల క్రితం లాంఛనంగా ప్రారంభమైన సంగతి తెలిసిందే. చెర్రీ రాజ వంశస్థుడిగా కనిపించనున్న ఈ సినిమా ఆగిపోయిందని వార్త సోషల్ మీడియాలో చక్కర్లు కొట్టింది. అయితే ఆ రూమర్లకు చెక్ పెడుతూ చిత్ర బృందం ఈరోజు అధికారికంగా ప్రకటన చేసింది. ఈనెల 19 నుంచి రెగ్యులర్ షూటింగ్ కి వెళుతున్నట్లు వెల్లడించింది. ఈ మూవీ ఎక్కువ భాగం రాజస్థాన్ లో షూటింగ్ జరుపుకోనుంది. ఇప్పటికే అక్కడి రాజా మహల్ ని షూటింగ్ కోసం లీజుకు తీసుకున్నారు. పండుగ అయిపోయిన తర్వాత బోయపాటి బృందం రాజస్థాన్ కి పయనం కానుంది.
ప్రస్తుతం సుకుమార్ దర్శకత్వంలో రామ్ చరణ్ రంగస్థలం సినిమా చేస్తున్నారు. ఈ మూవీ షూటింగ్ దాదాపు పూర్తి అయింది. కొన్ని ప్యాచ్ వర్క్ ఉంటే చేస్తున్నారు. రేపటితో ఈ షూటింగ్ కి గుమ్మడికాయ కొట్టనున్నారు. సమంత హీరోయిన్ గా నటిస్తున్న ఈ చిత్ర టీజర్ ఈనెల 24 న రానుంది. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ సినిమా మార్చి 30 న విడుదల కానుంది. ధృవ వంటి హిట్ తర్వాత సంవత్సరం పాటు కస్టపడి చేసిన రంగస్థలం చెర్రీ కెరీర్ లో ఓ ఆణిముత్యంగా నిలవనుందని సినీ విశ్లేషకులు భావిస్తున్నారు.
