టాలీవుడ్ టాప్ హీరోల్లో మెగా పవర్ స్టార్ ఒకడు అనడంలో ఏమాత్రం సందేహం లేదు. అయితే మెగాస్టార్ చిరు చరిష్మాతో టాలీవుడ్ లో అడుగుపెట్టిన ఈ యువ హీరో మెగా పవర్ స్టార్ గా మంచి పేరు సంపాదించుకున్నాడు. ఇక అదే క్రమంలో టాలీవుడ్ లో వరుస హిట్స్ తో దూసుకుపోతూ ఉన్న చెర్రీకి అందుకోకుండా వరుస పరాజయాలు మొదలు అయ్యాయి, ఇక వాటిని అధిగమించి ధృవ సినిమాతో మంచి హిట్ కొట్టి తన స్టామినాను మరోసారి నిరూపించుకున్నాడు మన వాడు. ఇదిలా ఉంటే మెగా తనయుడిగా తనకంటూ ఒక ప్రత్యేకతను చాటుకుంటున్న చెర్రీకి అరుదైన గౌరవం దక్కింది. అసలు విషయంలోకి వెళితే, ప్రముఖ మెన్స్ మేగజైన్ ‘జిక్యూ’ ఇటీవల టాప్ 50 ఇండియన్ బెస్ట్ డ్రెస్డ్ సెలబ్రిటీల లిస్టు రిలీజ్ చేసింది. ఈలిస్టులో టాలీవుడ్ నుండి కేవలం రామ్ చరణ్ కు మాత్రమే చోటు దక్కడం అందర్నీ ఆశ్చర్య పరుస్తోంది. స్టైలిష్ స్టార్ గా పేరుగాంచిన అల్లు అర్జున్ ప్రిన్స్ మహేష్ బాబులకు ఈ లిస్టులో చోటు దక్కకపోవడం హాట్ న్యూస్ గా మారింది.
అయితే అసలు ఏ రకంగా ఈ ర్యాంకింగ్స్ ఉంటాయి అంటే…బాలీవుడ్ టాప్ స్టార్స్ తో పాటు ఇండియన్ సినిమాకు సంబంధించిన అన్ని భాషల హీరోల స్టైలిష్ లుక్ ను దృష్టిలో పెట్టుకుని ఈ మ్యాగజైన్ ప్రతి సంవత్సరం తన ర్యాంకింగ్స్ ను ప్రకటిస్తుంది. అదే క్రమంలో రామ్ చరణ్ గతంలో ‘జంజీర్’ సినిమాలో నటించిన నేపధ్యంలో చరణ్ ను బాలీవుడ్ హీరోగా పరిగణించి ఈ లిస్టును తయారు చేసారని అంటున్నారు. 50 మందితో కూడిన ఈ లిస్టులో రామ్ చరణ్ 15వ స్థానం దక్కించుకున్నాడు. మరి ప్రిన్స్ మరియు అల్లు అర్జున్ పరిస్థితి ఏంటి అంటే కేవలం బాలీవుడ్లో నటించిన హీరోలను పరిగణలోకి తీసుకుని ఈ లిస్టు విడుదల చేశారని అందుకే ఇతర టాలీవుడ్ హీరోలెవరికీ ఇందులో చోటు దక్కలేదని అంటున్నారు వారి వారి అభిమానులు. మొత్తంగా చూసుకుంటే చెర్రీ బాలీవుడ్ హీరోగా మారిపోయాడని ఈ విషయం చెబుతుంది. ఏది ఏమైనా ఇలాంటి గౌరవం మన తెలుగు హీరోకి దక్కడం మన గర్వించదగ్గ విషయం.
Also, do SUBSCRIBE to our YouTube channel to get latest Tollywood updates.
