మెగా పవర్ స్టార్ రామ్ చరణ్ రంగస్థలం సినిమాతో ఇండస్ట్రీ హిట్ అందుకున్నారు. దీని తర్వాత రెండు సినిమాలకు గ్రీన్ సిగ్నల్ ఇచ్చారు. ఎస్.ఎస్. రాజమౌళితో చేస్తున్న మల్టీస్టారర్ మూవీ ప్రీ ప్రొడక్షన్ దశలో ఉండగా.. బోయపాటి శ్రీను దర్శకత్వంలో చేస్తున్న మాస్ యాక్షన్ మూవీ వేగంగా షూటింగ్ జరుపుకుంటోంది. డీవీవీ దానయ్య భారీ బడ్జెట్ తో నిర్మిస్తున్న ఈ చిత్రం మొదటి షెడ్యూల్ పూర్తి చేసుకుంది. రెండో షెడ్యూల్ లో రామ్ చరణ్ పాల్గొన్నారు. ఇందులో రామ్ చరణ్ కి అన్నయ్యలుగా తమిళ హీరో ప్రశాంత్‌ (జీన్స్‌ హీరో), నవీన్‌ చంద్ర(అందాల రాక్షసి),
ఆర్యన్ రాజేష్ (సొంతం) నటించనున్నారు. చెర్రీ కి వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజలు కనిపించనున్నారు. విలన్ గా వివేక్ ఓబరాయ్ పోటీపడనున్నారు. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ చిత్రానికి ‘రాజవంశస్థుడు’ అనే టైటిల్‌ను పరిశీలిస్తున్నట్టు తెలిసింది. చిరంజీవి, అల్లు అరవింద్, చరణ్ లకు మాత్రమే కాకుండా అభిమానులకు కూడా ఈ టైటిల్ నచ్చుతుందో లేదో తెలుసుకునేందుకు ఈ విషయానికి బయటికి రిలీజ్ చేసినట్లు సమాచారం. రాక్ స్టార్ దేవిశ్రీ ప్రసాద్‌ సంగీతమందిస్తున్న ఈ మూవీ కి ఏ టైటిల్ ఫిక్స్ అవుతుందో కొన్ని రోజుల్లో తెలియనుంది.
