మెగాపవర్ స్టార్ రామ్ చరణ్ ప్రస్తుతం సుకుమార్ డైరెక్షన్ లో “రంగస్థలం” సినిమాలో నటిస్తూ.. మరోపక్క తన తండ్రి మెగాస్టార్ చిరంజీవి కథానాయకుడిగా “సైరా నరసింహారెడ్డి” చిత్రాన్ని ప్రపంచస్థాయిలో నిర్మిస్తూ యమ బిజీగా ఉన్నాడు. సో, సుకుమార్ తర్వాత రామ్ చరణ్ ని డైరెక్ట్ చేయబోయేది ఎవరు? ఆ సినిమాని నిర్మించేది ఎవరు? అనే ప్రశ్నకు సమాధానం కోసం మెగా అభిమానులందరూ ఆశగా ఎదురుచూస్తున్నారు.
అభిమానుల ఎదురుచూపుకు ఓ సమాధానం దొరికింది. “రంగస్థలం” లాంటి డీసెంట్ ఎంటర్ టైనర్ తర్వాత రామ్ చరణ్ ఒక మాస్ మసాలా సినిమా చేయనున్నాడని సమాచారం. గీతా ఆర్ట్స్ సంస్థ నిర్మించనున్న ఈ చిత్రానికి బోయపాటి శ్రీను దర్శకత్వం వహించే అవకాశాలున్నాయని తెలుస్తోంది. ఇప్పటికే “సరైనోడు”తో గీతా ఆర్ట్స్ కి ఒక బ్లాక్ బస్టర్ హిట్ ఇచ్చిన బోయపాటి మరి రామ్ చరణ్ తో తీయబోయే సినిమాతో ఎలాంటి సెన్సేషన్స్ క్రియేట్ చేస్తాడో చూడాలి.
Also, do SUBSCRIBE to our YouTube channel to get latest Tollywood updates.
