తమిళ డైరక్టర్ మురుగదాస్ కి తమిళంతో పాటు తెలుగులోనూ ఫుల్ క్రేజ్ ఉంది. మెగాస్టార్ తో అతను చేసిన స్టాలిన్ సూపర్ హిట్ అయింది. ఇక అతని దర్శకత్వంలో వచ్చిన కత్తి మూవీ కథతో చిరు ఖైదీ నంబర్ 150 చేశారు. ఇదివరకే చిరు చేసిన ఠాగూర్ కూడా మురుగదాస్ సినిమాకి రీమేక్. సో మురుగదాస్ కి మెగా ఫ్యామిలీకి తెలియని మ్యాజిక్ ఉంది. అదే మ్యాజిక్ ని చరణ్ తోను వర్కవుట్ చేయించాలని ప్రముఖ నిర్మాణ సంస్థ లైకా ప్రొడక్షన్ హౌస్ వాళ్ళు ప్రయత్నిస్తున్నారు. తమిళంలో కత్తిని నిర్మించింది వీళ్ళే. అంతేకాదు ఖైదీ నంబర్ 150 కి కూడా సహాయ నిర్మాతలుగా వ్యవహరించారు.
సో అటు డైరక్టర్ మురుగదాస్, ఇటు హీరో, నిర్మాత చరణ్ కి మధ్య ఉన్నపరిచయంతో .. వారిద్దరి కలయికలో మూవీ చేయాలనీ లైకా ప్రొడక్షన్ ప్రయత్నిస్తోంది. ప్రస్తుతం మురుగదాస్ మహేష్ తో స్పైడర్ తెరకెక్కిస్తున్నారు. రామ్ చరణ్ సుకుమార్ దర్శకత్వంలో రంగస్థలం 1985 సినిమా చేస్తున్నారు. ఈ ప్రాజక్ట్ ల తర్వాత మురుగదాస్, చెర్రీ కలయికలో ద్వి భాషా చిత్రం తెరపైకి రానుంది.
Also, do SUBSCRIBE to our YouTube channel to get latest Tollywood updates.
