ప్రేమకథలను సరికొత్తగా ఆవిష్కరించే సుకుమార్ మెగా పవర్ స్టార్ రామ్ చరణ్ తేజ్ తో ఓ పల్లెటూరి ప్రేమకథని తెరకెక్కించనున్నారు. మైత్రి మూవీ మేకర్స్ వారు నిర్మిస్తున్న ఈ మూవీ జనవరి 30 న పూజా కార్యక్రమాలు జరుపుకొని రెగ్యులర్ షూటింగ్ లోకి దిగింది. ఇందులో చెర్రీ సరసన క్యూట్ బ్యూటీ సమంత రొమాన్స్ చేయనుంది. అక్కినేని కోడలిగా మారిన తర్వాత స్యామ్ చేస్తున్న ప్రాజక్ట్ కావడంతో దీనిపై ఆసక్తి నెలకొంది. అంతే కాదు నాన్నకు ప్రేమతో సుకుమార్ , ధృవ మూవీతో రామ్ చరణ్ మంచి ఉత్సాహంతో ఉన్నారు. ఈ సినిమాకి రాక్ స్టార్ దేవీ శ్రీ ప్రసాద్ సంగీతం అందించనున్నారు. సుకుమార్, దేవీ కాంబినేషన్లో వచ్చిన ఆల్బమ్స్ అన్నీ సూపర్ హిట్టే. దీనికి కూడా అదిరిపోయే పాటలను ఇస్తాడనడంలో ఎటువంటి సందేహం అవసరం లేదు. ఈ చిత్రానికి సంబంధించిన కొన్ని విషయాలు బయటికి వచ్చాయి.
దీనికి రేపల్లె అనే పేరుని పరిశీలిస్తున్నారని తెలిసింది. అంతేకాదు స్టోరీ లైన్ కూడా లీకైంది. పల్లెటూరిలో పుట్టి పెరిగిన కుర్రోడు సిటీలో ఉద్యోగం చేయాలనీ వస్తాడు. ఓ ల్యాబ్ లో పని దొరుకుతుంది. అక్కడ ఎంతో ఉత్సాహంగా పని చేస్తుంటాడు. అక్కడున్న శాస్రవేత్తల కన్ను అమాయకుడైన కుర్రోడిపై పడుతుంది. తాము కనిపెట్టిన ఓ మందుని అతనిపై ప్రయోగిస్తారు. దీంతో అతనిలో వచ్చే మార్పులు, ఆ ప్రయోగం నుంచి ఎలా బయట పడ్డాడు.. ఆ శాస్త్ర వేత్తలను, వారి వెనుక ఉన్న వారిని ఆ కుర్రోడు ఎలా శిక్షించాడనేది మిగిలిన కథ. ఈ స్టోరీ లైన్ ఫిల్మ్ నగర్లో చక్కర్లు కొడుతోంది.
Also, do SUBSCRIBE to our YouTube channel to get latest Tollywood updates.
