రంగస్థలం కోసం పారితోషికం తగ్గించుకున్న చెర్రీ!

రంగస్థలం 1985 .. మెగా పవర్ స్టార్ రామ్ చరణ్, సుకుమార్ కాంబినేషన్లో తెరకెక్కుతోన్న ఈ సినిమాకి ఓ ప్రత్యేకత ఉంది. అదే పాతికేళ్ల క్రితం నాటి కథ. సినిమా మొత్తం ఆ కాలంలోనే సాగుతుంది. మరి ఆనాటి కాలం  పరిస్థితులు ఇప్పుడు లేవు. దాదాపు అంతా సెట్ వేయాల్సి ఉంటుంది. భారీ ఖర్చుతో సెట్స్ వేయక తప్పలేదు. అలనాటి గ్రామాల సెట్స్ ని నగరంలో వేశారు. కొన్ని సీన్స్ రాజమండ్రి పరిసరాల్లో చిత్రీకరించినప్పటికీ .. కీలక సన్నివేశాలన్నీ ఈ సెట్స్ లోనే షూట్ చేస్తున్నారు. ఈ ఖర్చులను దగ్గరుండి చూసిన రామ్ చరణ్ తన రెమ్యునరేషన్ తగ్గించుకున్నట్లు ఫిలింనగర్ వాసులు చెబుతున్నారు.

చెర్రీ కి నిర్మాతకు ఎలాంటి ఇబ్బందులు ఉంటాయి ఖైదీ నంబర్ 150 షూటింగ్ సమయంలో తెలిసి వచ్చింది. సో పారితోషికం తగ్గించుకొని రంగస్థలం 1985 వంటి విభిన్నమైన చిత్రాన్ని నిర్మిస్తున్న మైత్రి మూవీ మేకర్స్ వారికి అండగా నిలిచారు. సమంత, ఆది పినిశెట్టి, అనసూయ, జగపతిబాబు తదితరులు నటిస్తున్న ఈ సినిమా వేసవి లో థియేటర్లోకి రానుంది.