నిర్మాతగా మారిన తర్వాత రామ్ చరణ్ తేజ్ కి అసలు తీరిక లేకుండా పోయింది. ఓ వైపు తాను హీరోగా నటిస్తున్న సినిమా కోసం కష్టపడుతూనే .. నిర్మాతగా వ్యవహరిస్తున్న సినిమా కోసం టైం కేటాయిస్తున్నారు. ప్రస్తుతం సుకుమార్ దర్శకత్వంలో హీరోగా ఓ మూవీ చేస్తున్నారు. రాజమండ్రి పరిసరాల్లో మొదటి షెడ్యూల్ పూర్తిచేసుకున్న ఈ చిత్రం సెకండ్ షెడ్యూల్ త్వరలో ప్రారంభం కానుంది. ఈ మధ్యలో సురేందర్‌ రెడ్డి దర్శకత్వంలో తెరకెక్కనున్న చిరంజీవి 151వ సినిమా పనులు దగ్గరుండి చూసుకున్నారు.
ఉయ్యాలవాడ నరసింహా రెడ్డి సినిమాకు అవసరమైన టెక్నీషియన్లతో సంప్రదింపులు జరిపారు. కాస్త సమయం దొరకడంతో యూరప్ ట్రిప్ వేశారు. భార్య ఉపాసనతో కలిసి యూరప్‌లోని మంచుకొండపై ట్రెక్కింగ్‌కు వెళ్లారు. దాదాపు ఏడుగంటలపాటు కష్టపడి ట్రెక్కింగ్‌ చేసి పర్వతశిఖరానికి చేరుకున్నామని,. ఈ ట్రెక్కింగ్‌ ద్వారా ఎన్నో కేలరీలను కరిగించేశామని ఉపాసన ట్విట్టర్‌లో ఓ పోస్ట్‌ పెట్టారు. ఇద్దరూ కలిసిఉన్న ఫోటోని షేర్ చేశారు.
Also, do SUBSCRIBE to our YouTube channel to get latest Tollywood updates.
