మెగా వారి ఇంటి కోడలు.. రాంచరణ్ సతీమణి ఉపాసన.. ప్రేమికుల రోజు సందర్బంగా తన భర్త ను సర్ ప్రైజ్ చేసింది. ఎప్పటికప్పుడు తన భర్త సినిమాల గురించి అప్డేట్స్ ఇవ్వడంతో పాటూ.. చరణ్ ప్రైవేట్ పిక్స్ ని, వారి ప్రైవేట్ టూర్లకు సంబంధించిన విషయాల్ని కూడా తన సోషల్ మీడియా ద్వారా షేర్ చేస్తూ ఉంటుంది ఉపాసన. ‘మిస్టర్ సి’ అంటూ తన భర్త రాంచరణ్ ను ముద్దుగా పిలుచుకుంటూ ఉంటుంది ఉపాసన.
ఇక వాలెంటైన్స్ డే సందర్బంగా ఉపాసన తన భర్త రాంచరణ్ తన సోషల్ మీడియా ద్వారా ఓ సర్ ప్రైజ్ ఇచ్చింది. అంతే కాదు చరణ్ తో ఉన్న కొన్ని ఫోటోలను కూడా షేర్ చేస్తూ తన ఆనందాన్ని వ్యక్తం చేసింది. ఉపాసన తన ట్విట్టర్ ద్వారా స్పందిస్తూ.. ” ‘మిస్టర్ సి’ అలాగే నాకు కూడా బ్రేక్ ఫాస్ట్… ‘హెల్దీ అండ్ సింపుల్’ అంటూ బాదం అలాగే కొన్ని డ్రై ఫ్రూట్స్ అలాగే స్ట్రా బెర్రీస్ తో కలగలిపిన ఈ హెల్దీ బ్రేక్ ఫాస్ట్ ని తాయారు చేసినట్టు తెలిపింది. ఇది ఆరోగ్యానికి చాలా మంచిదని పేర్కొంది. ఇక ప్రేమ పై రాంచరణ్ అభిప్రాయం ఏంటనేది కూడా ఉపాసన తెలిపింది. ‘ప్రేమలో పడిపోవడం కాదు.. ప్రేమలో నిలబడాలి.. ప్రేమలో గెలవాలి’ అనేది ప్రేమ పై రాంచరణ్ అభిప్రాయమని తెలిపింది. ఇక ప్రతీ పుట్టినరోజు కి చరణ్ ఒక గిఫ్ట్ ఇస్తాడని… అలాగే ‘వాలెంటైన్స్ డే’ వీరిద్దరూ ఒకరికి ఒకరు గిఫ్ట్స్ ఇచ్చుకుంటారని… ఈ ‘వాలెంటైన్స్ డే’ కి కూడా గిఫ్ట్స్ అందుకున్నట్టు తెలిపింది. అపోలో హాస్పిటల్స్ గ్రూప్ చారిటి విభాగానికి ఉపాధ్యక్షురాలైన ఉపాసన సమాజం పట్ల, తన భర్త సినిమాల పట్ల, ఆరోగ్యం పట్ల, కుటుంబం పట్ల ఎంతో బాధ్యతగా వ్యవహరిస్తున్న ఉపాసన ను సోషల్ మీడియాలో అందరూ అభినందిస్తున్నారు.
