మనసులో ఉన్నదీ ఉన్నట్టు బయట పెట్టి, వివాదాల్లో ఇరుక్కొని ఆనందించడం డైరక్టర్ రామ్ గోపాల్ వర్మకే సాధ్యం. దేశంలో జరిగే ప్రతి కాంట్రవర్సీలో తల దూర్చే ఈ దర్శకుడు తాజాగా తమిళనాడు దివంగత ముఖ్యమంత్రి జయలలిత, ఆమె మిత్రురాలు శశికళ మధ్య ఉన్న స్నేహంపై స్పందించారు. వారిద్దరి మధ్య మైత్రిని కథ వస్తువుగా తీసుకొని సినిమా తీస్తానని ప్రకటించారు. “జయలలిత తన కళ్లతో కన్నా, శశికళ కళ్లతో లోకాన్ని బాగా చూశారు. ఇది ఇద్దరు స్నేహితుల కథ” అంటూ వర్మ ట్వీట్ చేశారు.
అందుకు టైటిల్ “శశికళ” పెట్టనున్నట్లు వెల్లడించారు. తమిళనాడు రాజకీయాలనే తమ గుప్పిట్లో పెట్టుకున్న శశికళ పైనే సినిమా అంటూ వర్మ ట్వీట్ చేయడం కొత్త వివాదాలకు కారణమవుతుందని సినీ ప్రముఖులు భావిస్తున్నారు. రక్త చరిత్ర సినిమా నుంచి వంగవీటి వరకు అనేక చిత్రాల పేర్లను ప్రకటించి, మరిచిపోయిన వర్మ దీనిని ఆజాబితాలో చేర్చడం ఖాయమని విమర్శిస్తున్నారు. మరి రామ్ గోపాల్ వర్మ విమర్శలను ఎలా తిప్పికొడతారో చూడాలి.
Also, do SUBSCRIBE to our YouTube channel to get latest Tollywood updates.
