ఎనర్జిటిక్ హీరో రామ్ గత చిత్రాలు హైపర్, ఉన్నదీ ఒకటే జిందగీ ఆశించిన ఫలితాన్ని ఇవ్వలేకపోయింది. అందుకే ఈసారీ ప్రేమకథను ఎంచుకున్నారు. సినిమా చూపిస్తా మామ, నేను లోకల్ వంటి హిట్ సినిమాలను తెరకెక్కించిన త్రినాధరావు నక్కిన దర్శకత్వంలో “హలో గురు ప్రేమ కోసమే” చేశారు. అనుపమ పరమేశ్వరన్ నటించిన ఈ చిత్రం రేపు రిలీజ్ కానుంది. టీజర్, ట్రైలర్ లతో యువతలో ఆసక్తికలిగించిన ఈ మూవీపై రామ్ అసంతృప్తిగా ఉన్నట్టు సమాచారం. కారణం ఏమిటని ఆరాతీస్తే అసలు విషయం తెలిసింది. ఈ చిత్రాన్ని దిల్ రాజు నిర్మించారు. అతను మంచి కథలను ఎంచుకోవడం.. ఆ కథలకు తగ్గట్టు ఖర్చుపెట్టడంలో నేర్పరి. అంతేకాదు ప్రచారం కూడా బాగా చేస్తారు. రిలీజ్ కి ముందు అతను చేసే పబ్లిసిటీ సినిమాపై మంచి హైప్ ని తీసుకొస్తాయి.
అటువంటి బజ్ ఏమీ “హలో గురు ప్రేమ కోసమే” సినిమాకి క్రియేట్ కాలేదని టాక్. అదే రామ్ కి నచ్చడం లేదంట. దసరా సందర్భంగా రిలీజ్ చేస్తున్నారు కాబట్టి ఓపెనింగ్స్ బాగానే ఉంటాయి. కానీ అరవింద సమేత వంటి సినిమాలను తట్టుకోవాలంటే ఇంకా మరింత పబ్లిసిటీ అవసరమని రామ్ కోరుకుంటున్నారు. వరుసగా రెండు ఫ్లాప్ ల తర్వాత చేస్తున్న సినిమాపై రామ్ హోప్స్ పెట్టుకోవడం సహజమే. అయితే దిల్ రాజు ఈ మధ్య హడావుడి చేసిన సినిమాలన్నీ విజయాలు అందుకోలేదు. అందుకే పెద్దగా ప్రచారం చేయడం లేదని సినీ విశ్లేషకులు భావిస్తున్నారు. దిల్ రాజు కొత్త సెంటిమెంట్ తో రామ్ ఈసారి అయినా హిట్ కొడతారేమో చూడాలి.
