హాట్ గా మారిన రామ్

అల్లు అర్జున్, నితిన్, సునీల్, ఎన్టీఆర్, రామ్ చరణ్, ప్రభాస్.. ఈ జాబితాలోకి కొత్తగా ఎనర్జటిక్ హీరో  రామ్ చేరారు. లవర్ బాయ్ గా మొన్నటి వరకు కనిపించిన రామ్ .. సిక్స్ ప్యాక్ క్లబ్ లో చేరారు. గత ఏడాది నేను శైలజ, హైపర్ చిత్రాలతో విజయాలను అందుకున్న ఈ యువహీరో బాడీని పెంచి హాట్ గా మారారు. ఆరు నెలలు పాటు కస్టపడి సిక్స్ ప్యాక్ బాడీని రప్పించినట్లు తెలిసింది. ఈ లుక్ ఎందుకోసమోనని ఆరా తీస్తే అసలు విషయం బయటపడింది. నేను శైలజ చిత్రాన్ని తెరకెక్కించిన కిశోర్ తిరుమల దర్శకత్వంలో మళ్ళీ సినిమా చేయనున్నారు.

కథ డిమాండ్ బట్టి రామ్ సిక్స్ ప్యాక్ రప్పించారు. ఈ సినిమాని సొంత నిర్మాణ సంస్థ స్రవంతి మూవీస్ బ్యానర్ పై నిర్మిస్తుండడంతో ఎనర్జటిక్ హీరో  బాగా కష్టపడుతున్నారు. తన లుక్ ని ఈ రోజు ట్విట్టర్లో పోస్ట్ చేసి ఈ సినిమాపై అంచనాలు పెంచేశారు. రామ్ జోడీగా  అనుపమ పరమేశ్వరన్ హీరోయిన్ గా నటిస్తున్న ఈ మూవీ వివరాలను చిత్ర బృందం త్వరలో అధికారికంగా ప్రకటించనుంది.

Also, do SUBSCRIBE to our YouTube channel to get latest Tollywood updates.