‘నెంబ‌ర్ వ‌న్ యారీ విత్ రానా’ షో ప్రసారం ఎప్పుడంటే ?

యంగ్ టైగర్ ఎన్టీఆర్ ” బిగ్ బాస్ ” షోతో టీవీల్లోకి అడుగు పెడుతుంటే.. దగ్గుబాటి రానా ‘నెంబ‌ర్ వ‌న్ యారీ విత్ రానా’ షోతో బులితెరపైకి వస్తున్నాడు. ఎన్టీఆర్ తన షో గురించి ముందు బయట పెట్టాడు. ఆ తరవాత  రానా తన కార్యక్రమం గురించి వెల్లడించారు. స్టార్ మా, జెమినీ టీవీల్లో ప్రసారమయ్యే ఈ షో టీజర్లు ఆసక్తిని పెంచాయి. అయితే తారక్ షో షూటింగ్ దశలో ఉండగా.. రానా షో మాత్రం రెండు ఎపిసోడ్స్ షూటింగ్ కంప్లీట్ చేసుకొని ప్రసారానికి సిద్ధంగా ఉన్నాయి. ‘నెంబ‌ర్ వ‌న్ యారీ విత్ రానా’ మొదటి ఎపిసోడ్ లో నాగ చైతన్య, సుమంత్ ఇద్దరూ హాజరు కానున్నారు. ఈ టీవీ షోలో పాల్గొనే సెలెబ్రిటీలు వారి రహస్యాల గురించి చర్చించనున్నారు. అంటే ముఖ్యంగా వారి స్నేహం గురించిన సీక్రెట్స్ పంచుకుంటారు.

ఈ షో ఈనెల 25 న జెమినీ టీవీ, యువీ వెబ్ ఛానల్లో ప్రసారం కానుంది. ఇక రెండో ఎపిసోడ్ లో రాజమౌళి తనయుడు కార్తికేయ, అక్కినేని ప్రిన్స్ అఖిల్ గెస్ట్ లుగా రాబోతున్నట్లు తెలిసింది. వారిద్దరి దగ్గరి నుంచి తెలివిగా రానా అనేక సంగతులు రాబట్టినట్లు సమాచారం. ఇలా తారక్ కంటే రానా టీవీలోకి తొందరగానే వచ్చేస్తున్నాడు. భల్లాలదేవ గా అందరినీ ఆకట్టుకున్న రానా హోస్ట్ గా ఎంతమేర మెప్పిస్తాడో కొన్ని రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.