రానాతో అల్లు అర్జున్ మల్ల యుద్ధం !!

“తమ్ముడు తమ్ముడే.. పేకాట పేకాటే” అనే సామెత మనం చాలా సందర్భాల్లో వింటుంటాం. అయితే.. సినిమా ఇండస్ట్రీకి ఈ సామెత కరెక్ట్ గా సరిపోతుంది. ఇండస్ట్రీలో క్లోజ్ ఫ్రెండ్స్ గా చెప్పుకొనే అల్లు అర్జున్-రానా వచ్చేవారం బాక్సాఫీసు వద్ద తలపడనున్నారు. అయితే.. అది తెలుగులో కాదులెండి. మలయాళంలో…

విషయం ఏంటంటే.. అల్లు అర్జున్ రీసెంట్ మూవీ “దువ్వాడ జగన్నాధం” మలయాళం వెర్షన్ అక్కడ ఆగస్ట్ 11న విడుదలకానుంది. అదే రోజున రానా లేటెస్ట్ మూవీ “నేనే రాజు నేనే మంత్రి” కూడా తెలుగుతోపాటు తమిళ, మలయాళ, హిందీ భాషల్లో ఏకకాలంలో విడుదలకానుంది. సో, కావాలని కాకపోయినా అనుకోకుండా ఆప్తమిత్రులిద్దరూ మాలీవుడ్ లో మల్ల యుద్ధానికి సన్నద్ధమవుతున్నారు. మరి వీరిలో బాక్సాఫీసు వద్ద రొమ్ము విరిచి నిలదొక్కుకొనేదేవరో తెలియాలంటే ఆగస్ట్ 11 వరకూ వేచి చూడాల్సిందే!