సుకుమార్ ఆలోచనకి రామ్ చరణ్ తేజ్ అభినయం కలవగా వచ్చిన రంగస్థలం అందరితో అద్భుతహా అని అభినందనలు అందుకుంటోంది. మార్చి 30న ప్రేక్షకుల ముందుకు వచ్చిన ఈ చిత్రం కలక్షన్ల వర్షం కురిపిస్తోంది. సమంత రామలక్ష్మిగా మెప్పించిన ఈ మూవీ తొలివారంలో ప్రపంచ వ్యాప్తంగా మొత్తం 130 కోట్ల (గ్రాస్ )వసూలు చేసి రికార్డు సృష్టించింది. షేర్ కూడా బలంగానే రాబట్టింది. దాదాపు 80 కోట్ల షేర్ ను రాబట్టుకున్న ఈ చిత్రం ‘బాహుబలి-1’ తర్వాత స్థానంలో నిలిచింది. కేవలం చెన్నై సిటీలో 8 రోజులకు కలిపి కోటి రూపాయల గ్రాస్ ను అందుకున్న ఈ సినిమా ‘బాహుబలి-1’ ను దాటేసి ‘బాహుబలి-2’ తర్వాతి స్థానంలో నిలించింది.
తమిళ నిర్మాతల మండలి చేస్తున్న నిరసన వల్ల పెద్ద తమిళ సినిమాల విడుదలలు ఆగిపోవడం ‘రంగస్థలం’ కలెక్షన్లకు బాగా కలిసొచ్చింది. పాతికేళ్ల క్రితం కథ.. గ్రామంలో సాగిన మాస్ కథకు తమిళ ప్రజలు బాగా కనెక్ట్ అయ్యారు. మళ్లీ మళ్లీ చూస్తున్నారు. తెలుగు రాష్ట్రాలు, పక్క రాష్ట్రాల్లోనే కాదు రంగస్థలం దూసుకుపోతోంది. ఓవర్సీస్ లో 2.8 మిలియన్లను క్రాస్ చేసిన ఈ సినిమా త్వరలోనే 3 మిలియన్ల క్లబ్ లో చేరనుంది. అక్కడ కూడా ‘బాహుబలి-1’ తర్వాత స్థానంలో రంగస్థలం నిలిచింది.
