‘రంగస్థలం’ ప్రీ రిలీజ్ ఫంక్షన్ కు భారీ ఏర్పాట్లు

సుకుమార్ దర్శకత్వంలో మెగా పవర్ స్టార్ రామ్ చరణ్ తేజ్ చేస్తున్న రంగస్థలం టీజర్లు సోషల్ మీడియాలో సంచలనం సృష్టించాయి. హీరో చిట్టిబాబు (రామ్ చరణ్), హీరోయిన్ రామలక్ష్మి( సమంత) పాత్రలు విశేషంగా ఆకట్టుకున్నాయి. మైత్రి మూవీ మేకర్స్ వారు నిర్మిస్తున్న ఈ సినిమా రీసెంట్ గా షూటింగ్ కంప్లీట్ చేసుకుంది. చరణ్, పూజా హెగ్డే లపై ఓ మాస్ సాంగ్ ని చిత్రీకరించి గుమ్మడికాయ కొట్టేశారు. ప్రేమికుల రోజుని పురస్కరించుకొని రేపు ఈ సినిమాలోని “ఎంత సక్కగున్నావే” పాట రిలీజ్ చేయనున్నారు. అలాగే చిత్ర బృందం మార్చి 18న ప్రీ రిలీజ్ ఫంక్షన్ ను వైజాగ్ లో నిర్వహించడానికి ఏర్పాట్లు చేస్తున్నారు.

భారీ ఎత్తున జరగనున్న ఈ వేడుకకు చిరంజీవి హాజరుకానున్నారని సమాచారం. రాక్ స్టార్ దేవీ శ్రీ ప్రసాద్ తన ఆట పాటలతో అలరించనున్నారు. ఈ ఫంక్షన్ కి చెందిన వివరాలను చిత్ర బృందం రేపు అధికారికంగా ప్రకటించనుంది. జగపతి బాబు, ఆది, అనసూయ తదితరులు ప్రత్యేక పాత్రలు పోషించిన ఈ మూవీ మార్చి 30 న రిలీజ్ కానుంది. ధృవ తర్వాత రామ్ చరణ్ చేస్తున్న ఈ సినిమాపై భారీ అంచనాలున్నాయి. పాతికేళ్ల క్రితం నాటి వాతావరణాన్ని వెండితెరపై మళ్లీ చూడాలని మెగా అభిమానులతో పాటు సినీ ప్రేక్షకులు ఎదురుచూస్తున్నారు.