రాశి ఖన్నా గ్లామర్ అలాగే ఆమె క్రేజ్ గురించి ప్రత్యేకంగా చెప్పనక్కర్లేదు. ‘ఊహలు గుస గుసలాడే’ చిత్రంలో మంచి నటన కనపరిచిన ఈ భామ తరువాత అన్ని గ్లామర్ పాత్రలనే చేస్తూ వచ్చింది. అయితే గతేడాది విడుదలైన తరువాత వరుణ్ తేజ్ ‘తొలిప్రేమ’ చిత్రంలో కూడా అద్భుతమైన నటనతో మెచ్చింది. ఇప్పుడు రాశి ఖన్నా… ‘వెంకీమామ’ చిత్రంలో చైతన్య సరసన హీరోయిన్ గా నటిస్తుంది. ఈ చిత్రంతో పాటూ తమిళంలో కూడా మూడు చిత్రాల్లో నటిస్తుంది.
ఇదిలా ఉండగా.. తాజాగా ‘వివా లా మోర్’ అనే మ్యాగజైన్ కవర్ పేజి పై తళుక్కుమని మెరిసింది ఈ భామ. ఈ ఫోటోని తన ఇన్స్టాగ్రామ్ లో పోస్ట్ చేయగా “ఎవరూ మీ హార్డ్ వర్క్ ను దొంగిలించలేరు. కొంచం ఆలస్యం అవుతుందేమో కానీ మీరు మీ గమ్యాన్ని చేరుకుంటారు. మీ గోల్ పై దృష్టి ఉంచండి.. మీపై మీకు నమ్మకం ఉండాలన్న విషయం ఎల్లప్పుడూ గుర్తుంచుకోండి. ప్రేమతో. #వివా లా మోర్ మ్యాగజైన్. లొకేషన్: నోవోటెల్ చెన్నై” అంటూ క్యాప్షన్ ఇచ్చింది. ఈ ఫోటో పోస్ట్ చేసిన కొన్ని గంటల్లోనే వైరల్ గా మారడం విశేషం.
