ప్రస్తుతం మన టాలీవుడ్ లో మోస్ట్ వాంటెడ్ హీరోయిన్ ఎవరైనా ఉంటే అది రష్మిక మండన్న అనే చెప్పాలి. విజయ్ దేవరకొండతో వరుసబెట్టి సినిమాలు చేస్తున్న రష్మిక డేట్స్ కోసం స్టార్ హీరోలు కూడా వెయిట్ చేస్తున్నారు. ప్రస్తుతం ఆమె చేతిలో ఓ నాలుగు క్రేజీ సినిమాలున్నాయి.. వాటిలో మహేష్ బాబు “సరిలేరు నీకెవ్వరు”, అల్లు అర్జున్-సుకుమార్ ల కాంబినేషన్ లో తెరకెక్కనున్న మూడో సినిమాలున్నాయి. ఇవి కాకుండా ఇంకొన్ని క్రేజీ ప్రొజెక్ట్స్ కు రష్మిక పేరుని పరిశీలిస్తున్నారు దర్శకనిర్మాతలు.
ఈ నేపధ్యంలో రష్మిక తన రెమ్యూనరేషన్ పెంచిందనే వార్తలు హల్ చల్ చేశాయి. ఇదే విషయమై ఆమెను ప్రశ్నిస్తే.. “అవును పెంచాను.. అందులో తప్పేముంది. ఇప్పుడున్న హీరోయిన్లు తీసుకొంటున్న దానితో పోల్చి చూస్తే నేను తక్కువే తీసుకొంటున్నాను” అని సమాధానమిచ్చింది. ఒకరకంగా చెప్పాలంటే రష్మిక రేటు పెంచడంలో ఎలాంటి తప్పులేదు. ఆమె నటిస్తే సినిమాకి తమిళ, కన్నడ రిలీజ్ లకి మార్గం దొరుకుతుంది, అలాగే హిందీ డబ్బింగ్ రైట్స్ కి కూడా వేల్యూ యాడ్ అవుతుంది.
