రవితేజ “కిక్” సినిమాతో సంగీత దర్శకుడిగా తన కెరీర్ ను మొదలెట్టిన తమన్ తనకు తెలియకుండానే “అరవింద సమేత” చిత్రంతో సెంచరీ కొట్టిన విషయం తెలిసిందే. సినిమా విడుదలైన రెండు వారాల వరకూ తమన్ కి కూడా ఈ విషయం తెలియదు. తర్వాత ఎప్పుడో లెక్కలేసుకొంటున్నప్పుడు ఈ విషయాన్ని వెల్లడించాడు. ఇటీవల ఈ విషయంపై స్పందించిన రవితేజ తనదైన శైలిలో సరదాగా రియాక్ట్ అయ్యాడు. “అసలు తమన్ అన్నీ సినిమాలు చేసేశాడని చెప్పేవారకూ తెలియలేదు, తెలిసి షాక్ అయ్యాను. ఈ అబ్బాయి పదేళ్ళల్లో 100 సినిమాలు కంప్లీట్ చేయడం చాలా ఆనందంగా ఉంది. మొదట్లో పర్వాలేదు కానీ.. తర్వాతర్వాత మరీ ముసగా కొట్టుకొంటూ వెళ్లిపోయాడు. ఇప్పుడు మనోడిలో మార్పు వచ్చింది. మంచి సినిమాలు చేస్తున్నాడు, మంచి బ్యాగ్రౌండ్ స్కోర్ ఇస్తున్నాడు” అని మెచ్చుకొన్నాడు తమన్ ను.
నిన్నమొన్నటివరకు తమన్ ను అందరూ కాపీ క్యాట్ అని అందరు ఆడుకొనేవారు. లెక్కలేనన్ని మీమ్స్ పుట్టుకొచ్చాయి. అయితే.. ఈమధ్యకాలంలో “సైరా, సాహో” టీజర్స్ కి కూడా తమన్ బ్యాగ్రౌండ్ స్కోర్ సమకూర్చడం విశేషం. ఇదే వేగంతో గనుక తమన్ కొనసాగితే.. అతి త్వరలోనే టాప్ మ్యూజిక్ డైరెక్టర్ అవ్వడం ఖాయం.
