సినీ ఇండస్ట్రీలో సెంటిమెంట్లను కాస్త ఎక్కువగానే పాటించుకుంటూ ఉంటారు. ముహూర్తం డేట్ దగ్గర్నుండీ రిలీజ్ డేట్ వరకూ హీరోలకు సెంటిమెంట్లు ఉంటాయి. ఇక అభిమానులకైతే లెక్క లేని సెంటిమెంట్లు పెట్టుకుని తమ అభిమాన హీరో సినిమా విషయంలో ఆందోళన చెందుతుంటారు. ఇప్పుడు అలాంటి పరిస్థితే రవితేజ అభిమానులకి వచ్చింది. ఇంతకీ ఆ సెంటిమెంట్ ఏంటీ అంటే… రవితేజ సినిమాలో హీరోయిన్ కాజల్ ను సెలెక్ట్ చేయడమే. గతంలో రవితేజ – కాజల్ కాంబినేషన్లో వచ్చిన ‘వీర’ ‘సారొచ్చారు’ చిత్రాలు డిజాస్టర్లుగా మిగిలాయి. దీంతో ఇప్పుడు మరోసారి కాజల్ తో రవితేజ నటించడం అభిమానుల్ని టెన్షన్ పెడుతుందట.
మాస్ మహారాజ్ రవితేజ ప్రస్తుతం వి.ఐ.ఆనంద్ డైరెక్షన్లో ‘డిస్కో రాజా’ చిత్రంలో నటిస్తున్నాడు. ఈ చిత్రంలో పాయల్ రాజపుత్ హీరోయిన్ గా నటిస్తుంది. దీపావళి కానుకగా ‘డిస్కో రాజా’ ను విడుదల చేయాలని చిత్ర యూనిట్ ప్లాన్ చేస్తుంది. ఈ చిత్రం పూర్తయిన వెంటనే సంతోష్ శ్రీనివాస్ డైరెక్షన్లో ‘తేరి’ రీమేక్ చేయబోతున్న సంగతి తెలిసిందే. ఈ చిత్రాన్ని ‘మైత్రి మూవీ మేకర్స్’ సంస్థ నిర్మిస్తుంది. మొదట ఈ రీమేక్ ను పవన్ కళ్యాణ్ తో చేయాలనుకున్నారు . అయితే పవన్ కళ్యాణ్ రాజకీయాలతో బిజీగా ఉండడంతో… ఇప్పుడు రవితేజతో చేస్తున్నారు. ఆల్రెడీ ‘తేరి’ చిత్రం తెలుగులో ‘పోలీసోడు’ గా డబ్ అయ్యి ఫ్లాప్ గా మిగిలింది. రొటీన్ కాప్ డ్రామా అంటూ ప్రేక్షకులు ఈ చిత్రాన్ని తిప్పి కొట్టారు. మళ్ళీ ఈ చిత్రాన్ని తెలుగులో రీమేక్ చేయడమంటేనే రవితేజ అభిమానులు భయపడుతున్నారు… దీనికి తోడు బ్యాడ్ సెంటిమెంట్ గా భావించే కాజల్ ను హీరోయిన్ గా సెలెక్ట్ చేశారనే వార్త బయటికి రావడంతో రవితేజ అభిమానులు మరింత టెన్షన్ పడుతున్నారట.
