టాలీవుడ్ లో కష్టపడి పైకి వచ్చిన యువ హీరోల్లో మన మాస్ మహారాజా రవి తేజ ఒకడు…చిన్న చిన్న పాత్రల నుంచి పెద్ద హీరోగా మారెందుకు రవి తేజకి చాలా కాలమే పట్టింది…అయితే ఇలాంటి ఎన్ని విపత్కర పరిస్తితులను ఎదుర్కుని హీరోగా మారిన రవి తేజ పరిస్థితి మళ్లీ బ్యాక్ టూ పెవిలియన్ అన్నట్లుగానే తయారయ్యింది…ఎందుకంటే ఇప్పుడు రవి చాలా క్లిష్ట పరిస్తితుల్లో ఉన్నాడు…కెరీర్ ఏమంత ఆశాజనకంగా లేదు అని అతడి సినిమాలు చూస్తేనే అర్ధం అవుతుంది…ఎందుకంటే ఒక్క ‘బలుపు’ మూవీ మినహాయిస్తే గత ఐదారేళ్లలో రవితేజకు చెప్పుకోతగ్గ ఒక్క హిట్ కూడ లేదు. గతాన్నే తీసుకుంటే…హిట్లు ఫ్లాపులతో సంబంధం లేకుండా వరుసగా ఎడాదిడికి కనీసం మూడు సినిమాలు చేసి అందరినీ మెప్పించిన రవితేజ కెరీర్లో మునుపెన్నడూ లేనంత లాంగ్ గ్యాప్ వచ్చేసింది. దాదాపు రెండేళ్ల పాటు రవితేజ సినిమా రిలీజే లేకపోవడంతో సినిమా ప్రేక్షకులతో డిస్కనెక్ట్ అయిపోయి అతడి ఫాలోయింగ్ పూర్తిగా దెబ్బతినింది. దీనికితోడు ఇలాంటి సమయంలో అతడి వ్యక్తిగత జీవితంలో వరుసపెట్టి వస్తున్న వివాదాలు అతణ్ని మరింత ఉక్కిరిబిక్కిరి చేస్తున్నాయని అతడి పరిస్థితి చూస్తే అర్ధం అవుతుంది.
ఒక పక్క తన సొంత తమ్ముడు భరత్ చనిపోతే కడసారి చూపుకు కూడా వెళ్లకపోవడం…అంత్యక్రియలకు కూడా హాజరుకాకపోవడం పై తీవ్రవిమర్శలు ఎదుర్కోవాల్సి వచ్చింది. ఆ విషయాన్ని అందరూ మరచిపోయారు అని అనుకుంటున్న క్రమంలో…ఇప్పుడు డ్రగ్స్ రాకెట్లో రవితేజ కూడా పాత్రధారి అని అతడికి పోలీసులు నోటీసులు ఇచ్చారని సమాచారం బయటికి రావడంతో ఇప్పుడు డ్రగ్స్ కుంభకోణం అతడి మెడకు చుట్టుకుంది. ఒక పక్క ఫ్యామిలీ ఇష్యూస్, మరో పక్క కరియర్ పై ఈ డ్రగ్స్ ప్రభావం అన్నీ వెరసి రవి పరిస్థితి ఏమయిపోతుందో అన్న భయంతో ఉన్నారు ఆయన ఫ్యాన్స్…మొత్తంగా చూసుకుంటే…ఏదో ఒకటి జరిగి రవి మళ్లీ మన మాస్ మహారాజాలాగా బాక్స్ ఆఫీస్ ను అలరించాలి అని ఆశిద్దాం.
Also, do SUBSCRIBE to our YouTube channel to get latest Tollywood updates.
