మాస్ మహారాజ్ రవితేజ 2016లో ఏ సినిమా చేయలేదు. ఒకటిన్నర ఏళ్లుగా అభిమానులు ఆయన సినిమా కోసం ఎదురుచూస్తున్నారు. హడావుడి పడి ఫ్యాన్స్ ని నిరాశపరచకూడదనే మంచి కథ కోసం వేచి చూసి ఒకే సారి రెండు సినిమాలను పట్టాలెక్కించారు. నూతన దర్శకుడు విక్రమ్ సిరికొండతో “టచ్ చేసి చూడు” సినిమా చేస్తున్నారు. లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి), వల్లభనేని వంశీ నిర్మిస్తున్న ఈ మూవీ వేగంగా షూటింగ్ జరుపుకుంటోంది. అంతకంటే వేగంగా మరో మూవీ షూటింగ్ కంప్లీట్ చేసుకోబోతోంది.
అనిల్ రావిపూడి తో చేస్తున్న సినిమా షూటింగ్ చివరి దశకు చేరుకుంది. ‘రాజా ది గ్రేట్’ అనే పేరుతో దిల్ రాజు నిర్మిస్తున్న ఈ చిత్రంలో రవితేజ అంధుడిగా నటిస్తున్నారు. ఈ ప్రయోగాత్మక చిత్రాన్ని అక్టోబర్ 12 న విడుదల చేయనున్నట్లు తెలిసింది. కమెడియన్ శ్రీనివాస్ రెడ్డి , ప్రభాస్ శ్రీను, పోసాని , సత్యం రాజేష్ తదితరులు నటిస్తున్న ఈ మూవీ రవితేజ స్టైల్లో ఎంటర్టైన్ చేస్తుందని చిత్ర యూనిట్ చెబుతోంది.
Also, do SUBSCRIBE to our YouTube channel to get latest Tollywood updates.
