“కిక్ 2” తర్వాత రెండేళ్ల విరామం తీసుకొని మరీ “టచ్ చేసి చూడు, రాజా ది గ్రేట్” సినిమాలు మొదలెట్టిన రవితేజ.. ప్రస్తుతం “రాజా ది గ్రేట్” చిత్రీకరణలో యమ బిజీగా ఉన్నాడు. అయితే.. “టచ్ చేసి చూడు” చిత్రాన్ని రవితేజ పక్కన పెట్టేసినట్లేననే వార్తలు వస్తుండడంతో రవితేజ తర్వాతి చిత్రం ఏమిటా అనే విషయం ప్రస్తుతం చర్చనీయాంశం అయ్యింది. మధ్యలో తమిళ సూపర్ హిట్ సినిమాలు “కనితన్, బోగన్” రీమేక్ లలో రవితేజ నటించనున్నాడనే వార్తలొచ్చినప్పటికీ.. వాటిలో ఏదీ ఫైనల్ కాలేదు.
తాజా సమాచారం ప్రకారం రవితేజ త్వరలోనే “బోగన్” సినిమా రీమేక్ లో నటించేందుకు సన్నద్ధమవుతున్నాడని తెలుస్తోంది. ఈ సినిమాలో హీరోయిన్ సెలక్షన్ కూడా పూర్తయిపోయిందని త్వరలోనే అన్నీ వివరాలు వెల్లడిస్తారని చిత్ర బృందం చెబుతోంది. సో, ఈ ప్రొజెక్ట్ ఫైనల్ అవ్వడంతో ఈ చిత్రాన్ని ఎవరు నిర్మిస్తారు, ఎవరు దర్శకత్వం వహిస్తారు అనే విషయాల కోసం రవితేజ అభిమానులందరూ వెయిట్ చేస్తున్నారు.
Also, do SUBSCRIBE to our YouTube channel to get latest Tollywood updates.
