పరిచయ చిత్రంలోనే కుర్రకారు హాట్ ఫేవరెట్ గా మారిపోయిన అను ఎమ్మాన్యుల్ అనంతరం పవన్ కళ్యాణ్, అల్లు అర్జున్ లాంటి స్టార్ హీరోలతో వరుస అవకాశాలు అందుకోవడంతో నెక్స్ట్ స్టార్ హీరోయిన్ అను ఎమ్మాన్యుల్ అని అందరూ ఫిక్స్ అయిపోయారు. అందుకు తగ్గట్లే సినిమాల్లో మాత్రమే కాక సోషల్ మీడియాలోనూ తన అందాలను ఉదారంగా ధారబోసి భీభత్సమైన క్రేజ్ సొంతం చేసుకొన్న అను వరుస పరాజయాల కారణంగా ఒక్కసారిగా ఐరన్ లెగ్ అయిపోయింది. దాంతో అప్పటివరకూ వచ్చిన ఆఫర్లన్నీ వెనుదిరిగాయి. ఆఖరి అవకాశంగా విడుదలైన “శైలజా రెడ్డి అల్లుడు” కూడా ఫ్లాపవ్వడంతో అమ్మడు తీవ్రమైన నిరాశకు లోనైంది. ఈ నిరాశకు తోడు “అమ్మాయి బాగా లావయ్యింది” అనే కామెంట్స్ ఆమెకు పుండు మీద కారం చల్లినట్లు తయారయ్యాయి.
దాంతో ప్రొజెక్ట్స్ ను పక్కన పెట్టి అర్జెంట్ గా సన్నబడాలని ఫిక్స్ అయ్యిందనుకుంటా.. నిన్న పెట్టిన పోస్ట్ లో స్లిమ్ లుక్ తో షాక్ ఇచ్చింది అను ఎమ్మాన్యుల్. సన్నబడింది కానీ.. ఫేస్ లో మునుపటి గ్లామర్ మాత్రం లేదు. దాంతో అను ఫ్యాన్స్ కాస్త నిరాశకు గురయ్యారు. మరి అను మళ్ళీ బ్యాక్ టు షేప్ మాత్రమే కాక బ్యాక్ టు ఫామ్ కి ఎప్పుడొస్తుందో చూడాలి.
