ఈమధ్యకాలంలో పాలిటిక్స్, కరప్షన్ కంటే ఎక్కువగా తెలుగు రాష్ట్రాల ప్రజల్ని ఎక్కువగా భయపెట్టిన అంశం క్యాస్టింగ్ కౌచ్. ఇండస్ట్రీలో అందరూ పడుకొనే పెద్దవాళ్లయ్యారేమో అని భ్రాంతిని కలిగించారు కొందరు పరిశ్రమకు చెందిన నటులు మరియు న్యూస్ చానల్స్ వారు. అయితే.. ఇది కేవలం జూనియర్ ఆర్టిస్టులకు మాత్రమే కాదని స్టార్ హీరోయిన్లకూ తప్పలేదని తెలుసుకొని మిన్నకుండిపోయారు.
తాజాగా సినీరంగంలో కాస్టింగ్ కౌచ్ ఉంద‌ని తేల్చి చెప్పింది హీరోయిన్ రెజీనా. త‌న‌పై కూడా లైంగిక వేధింపుల‌కు పాల్ప‌డ్డార‌ని వెల్ల‌డించింది. త‌న‌ను కూడా కొంతమంది తమ లైంగిక వాంఛ తీర్చాల‌ని కోరిన‌ట్లు పేర్కొంటూ, అయితే తాను మాత్రం ఎవరికీ లొంగలేదని తెలిపింది. ఈ సినిమా రంగంలో కాస్టింగ్ కౌచ్ కామన్ అయిపోయిందని ఆవేద‌న వ‌క్తం చేసింది. ఇటీవ‌లే ఓ పబ్లిక్ ఫంక్షన్ లో సైతం ఓ ఆకతాయి నన్ను తాకరాని చోట తాకి ఇబ్బంది పెట్టాడని తెలిపింది రెజీనా. ఇప్పుడు రెజీనా స్టేట్ మెంట్ తో ఈ క్యాస్టింగ్ కౌచ్ గురించి మరింత విస్తృతమైన చర్చలు మొదలయ్యే అవకాశం అయ్యింది.
