ఆరేడేళ్లపాటు సహజీవనం చేసిన తర్వాత ఒక బిడ్డను కూడా కని మరీ పెళ్లి చేసుకొన్న పవన్ కళ్యాణ్-రేణుదేశాయ్ ఎందుకు విడాకులు తీసుకొన్నారు అనే విషయంపై ఇప్పటివరకూ ఎవరికీ క్లారిటీ లేదు. ఇద్దరూ మ్యూట్యువల్ అండర్ స్టాండింగ్ మీదే విడిపోయారని కొందరు అంటుంటే.. కాదు కళ్యాణ్ “తీన్ మార్” షూటింగ్ టైమ్ లో పరిచయమైన అన్నా లెజ్నోవా వల్లేనని ఇంకొందరు అంటుంటారు. ఇదిలా ఉంచితే.. భరణంగా రేణుదేశాయ్ కి భారీ మొత్తం చెల్లించాడని కూడా వాదనాలున్నాయి. అయితే.. వీటిలో నిజం ఏమాత్రం లేదని పవన్ సన్నిహితులు చెబుతుంటారు. ఈ గొడవలకు సంబంధించి ఇప్పటివరకూ సరైన క్లారిటీ లేదు.
అయితే.. ఈ విషయాలపై త్వరలోనే క్లారిటీ ఇచ్చేందుకు సన్నద్ధమవుతోంది రేణుదేశాయ్. ఇప్పటివరకూ పవన్ కళ్యాణ్ గురించి కానీ.. వారి పెళ్లి/విడాకుల గురించి ఎలాంటి కామెంట్ చేయని రేణుదేశాయ్ త్వరలోనే తన ఆటోబయోగ్రఫీ రాయనుందట. ఈ ఆటోబయోగ్రఫీలో పవన్ కళ్యాణ్ గురించి తన అభిమానులకు కూడా తెలియని చాలా విషయాలను తెలిసేలా చేస్తుందట రేణు. ప్రస్తుతం “నీతోనే డ్యాన్స్” అనే డ్యాన్స్ షోకి జడ్జ్ గా వ్యవహరిస్తున్న రేణుదేశాయ్ త్వరలోనే తెలుగులో క్యారెక్టర్ రోల్స్ చేసేందుకు కూడా రెడీగా ఉన్నానని చెబుతోంది. రేణు రీఎంట్రీతోపాటు ఇప్పుడు ఈ బయోగ్రఫీ కూడా ప్రస్తుతం చర్చనీయాంశం అయ్యింది. మరి రేణు రాయనున్న ఈ బయోగ్రఫీలో పవన్ కళ్యాణ్ గురించి ఎలాంటి విశేషాలు, విషయాలు తెలుస్తాయో చూడాలి.
