స్టార్ డైరెక్టర్ రామ్ గోపాల్ వర్మ పూర్తిగా మారిపోయారు. ఇదివరకు రాజకీయం, సినిమా, భక్తి, చిన్న, పెద్ద అని తేడాలేకుండా ప్రతి ఒక్కరిపై ఇష్టానుసారంగా ట్వీట్లు చేసి వివాదాలు సృష్టించిన వర్మ.. తన ట్వీట్స్ వల్ల బాధ కలిగిన ప్రతి ఒక్కరికీ వరుసగా క్షమాపణలు చెబుతున్నారు. రెండు రోజుల క్రితం పవన్ కళ్యాణ్ కు, ఆయన అభిమానులకు సారీ చెప్పిన వర్మ ఈరోజు మెగా బ్రదర్ నాగబాబుకు క్షమాపణలు చెప్పారు. గతంలో చిరంజీవి నటించిన ‘ఖైదీ నెం 150’ ప్రీ రిలీజ్ వేడుకలో నాగబాబు.. రామ్ గోపాల్ వర్మను బాగా విమర్శించారు. అప్పుడు వర్మ క్షమాపణలు చెప్పి, వెంటనే విమర్శలు గుప్పించారు. దీంతో వివాదం పెరిగి వరుణ్ తేజ్ కూడా ఇందులోకి ఎంటర్ కావాల్సి వచ్చింది.
తాజాగా ఈరోజు ‘వరుణ్ తేజ్ మీ నాన్న విషయంలో నాపై నీ కామెంట్స్ చదివాను. తప్పు నావైపే ఉంది. మీ ఇద్దరికీ క్షమాపణలు చెబుతున్నాను’ అని ట్వీట్ చేసి షాక్ ఇచ్చారు. అలాగే నాగబాబు గురించి స్పందిస్తూ ‘చిరంజీవిలాంటి అన్నయ్య నాకుంటే నేను మాట్లాడే మాటలకి ఆయన నన్ను కొట్టేవారు. నాగబాబు గారు మాటలతో వదిలేశారు. ఆయనకి సారీ చెప్తున్నా’ అని పోస్ట్ చేశారు. ఇలా వర్మ క్షమాపణలు చెప్పడం చూసిన నెటిజనులు.. ఆయనలో ఈ మార్పుకు కారణం ఏమిటబ్బా? అని ప్రశ్నించుకుంటున్నారు.
Also, do SUBSCRIBE to our YouTube channel to get latest Tollywood updates.
