వివాదాహాలకు ‘కేర్ అఫ్ అడ్రెస్’ అయిన రాంగోపాల్ ఇప్పుడు మరో కొత్త వివాదానికి తెరలేపాడు. తాను తెరకెక్కించే సినిమాలను ప్రమోట్ చేసుకోవడానికి ఎప్పుడూ ఓ కొత్త పద్దతిని ఫాలో అయ్యే ఆర్జీవీ ఈ సారి తన కొత్త సినిమాకోసం ప్రభాస్ కులాన్ని అడ్డుపెట్టుకుంటున్నాడు. విషయం ఏమిటంటే… వర్మ రూపొందిస్తున్న ‘కమ్మ రాజ్యంలో కడప రెడ్లు’ అనే ప్రమోషన్ కోసం ప్రభాస్ ‘సాహో’ సినిమానే కాదు ప్రభాస్ ‘క్యాస్ట్’ ను కూడా వాడేస్తున్నాడు. తాజాగా సోషల్ మీడియాలో వర్మ ఓ వీడియోను విడుదల చేశాడు. తన కొత్త సినిమాలోని పాటను ఎల్లుండి ఉదయం విడుదల చేయబోతున్నట్టు తెలిపాడు.
రాంగోపాల్ వర్మ ఆ వీడియో ద్వారా స్పందిస్తూ…. “నాకు చాలా క్యాస్ట్ ఫీలింగ్ ఉంది. అందుకనే రెబల్ స్టార్ ప్రభాస్ ‘సాహో’ సినిమా కోసం కళ్ళు వాచిపోయేలా ఎదురు చూస్తున్నాను. ఎందుకంటే ప్రభాస్ నా క్యాస్ట్ కాబట్టి. ఈ సందర్భంగా నా నెక్ట్స్ సినిమా ‘కమ్మ రాజ్యంలో కడప రెడ్లు’ చిత్రంలోని ఒక పాటను, 27వ తారీఖు ఉదయం 9గం.27 నిమిషాలకు బ్రహ్మ ముహూర్తంలో విడుదల చేయబోతున్నాను” అంటూ ఆ వీడియోలో తెలిపాడు.
