సినిమాలతో సంచలనం సృష్టించే దర్శకుడు రామ్ గోపాల్ వర్మ ఇప్పుడు పొట్టి మాటలతో వార్తల్లో వ్యక్తిగా నిలుస్తున్నారు. హోదా, పలుకుబడి అని పట్టించుకోకుండా, జాతీయం, అంతర్జాతీయమనే భేదం లేకుండా ట్విట్టర్లో మనసుకు తోచింది రాస్తుంటారు. ఎన్ని సార్లు అతనిపై కేసులు పెట్టినా, చంపుతామని బెదిరించినా వర్మ తీరులో మార్పులేదు. కొన్నేళ్ల క్రితం విజయవాడలో కలకలం రేపిన వర్గ పోరును కథగా మలుచుకొని, ఎంతమంది అడ్డంకులు కలిగించినా వాటన్నింటిని దాటుకొని చిత్రాన్ని పూర్తి చేసి, నేడు రిలీజ్ చేయించి దట్ ఈజ్ ఆర్జీవీ అనిపించుకున్నారు. అయన దర్శకత్వంలో రూపుదిద్దుకున్న “వంగవీటి” విడుదలైన అన్నిథియేటర్లలో హౌస్ ఫుల్ కలక్షన్స్ తో ప్రదర్శితమవుతోంది.
ఈ చిత్ర ప్రమోషన్లో భాగంగా ఓ మీడియా సంస్థతో రామ్ గోపాల్ వర్మ మాట్లాడుతూ ఆసక్తికర సంగతులు వెల్లడించారు. పవర్ స్టార్ పవన్ కళ్యాణ్ కి తాను వీరాభిమానిని చెప్పుకున్నారు. గతంలో పవన్ రాజకీయాల్లో రావాలని ఆహ్వానించిన ఆయన, ఆంధ్రప్రదేశ్ కి పవన్ కి మించిన నాయకుడు లేడని కితాబు కూడా ఇచ్చారు. తాజాగా పవన్ ని అగ్నిపర్వతంతో పోల్చారు. “నాకు తెలిసి పవన్ నిద్రపోతున్న ఓ అగ్విపర్వతం. అప్పుడప్పుడూ అగ్నిపర్వతం బుసబుసమంటూ పొగలు కక్కుతుంటుంది. కానీ ఏదో ఓ రోజు అగ్నిపర్వతం బద్దలవ్వడం ఖాయం.” అని చెప్పారు. అయితే తాను మాత్రం రాజకీయాల్లో రాలేనని, తనకి ప్రజా సేవపై నమ్మకం, ఇష్టం లేదని వర్మ వెల్లడించారు.
Also, do SUBSCRIBE to our YouTube channel to get latest Tollywood updates.
