కబాలి కలక్షన్ల రికార్డులను తిరగరాయడానికి రోబో 2.0 సిద్ధమవుతోంది. సౌత్ ఇండియన్ సూపర్ స్టార్ రజనీకాంత్ డైరక్టర్ శంకర్ కాంబినేషన్లో తెరకెక్కుతోన్న ఈ సినిమాపై భారీ అంచనాలున్నాయి. 2010 లో బ్లాక్ బస్టర్ గా నిలిచిన రోబో మూవీ కి ఇది సీక్వెల్. ఈ అప్ గ్రేడ్ వెర్షన్ లో బాలీవుడ్ యాక్షన్ హీరో అక్షయ్ కుమార్ లేటెస్ట్ విలన్ రిచర్డ్ గా నటించి సినిమాకు మరింత క్రేజ్ ని తీసుకొచ్చాడు. రజనీకాంత్ ఇందులో సైన్టిస్ వశీకరణ్ పాత్రలో మరో ప్రయోగానికి శ్రీకారం చుట్టనున్నారు.
అతని పక్కన “ఐ” బ్యూటీ అమీ జాక్సన్ నటిస్తోంది. 350 కోట్లతో లైకా ప్రొడక్షన్ వాళ్లు నిర్మిస్తున్న ఈ మూవీలో కీలకమైన సీక్వెన్స్ ని ఢిల్లీ లోని స్టేడియంలో చిత్రీకరించారు. మానసిక ప్రశాంతత కోసం రెండు నెలల పాటు వర్జీనియా(అమెరికా)లో సచ్చిదానంద ఆశ్రమంలో గడిపి వచ్చిన రజనీ ఉత్సాహంగా రోబో 2.0 షూటింగ్ లో పాల్గొంటున్నారు. ఏ.ఆర్. రెహమాన్ సంగీతమందిస్తున్న ఈ సినిమాకు సంబంధించిన ఒక ఫోటో కూడా ఇంతవరకు బయటకు రాలేదు. ఫస్ట్ లుక్ కోసం సూపర్ స్టార్ అభిమానులు ఎదురుచూస్తున్నారు. ఫ్యాన్స్ కోరికను చిత్ర బృందం త్వరలో తీర్చనుంది. ఈ రోబో 2.0 ఫస్ట్ లుక్ ని నవంబర్ లో రిలీజ్ చేయాలని ఆలోచిస్తోంది. కొన్ని రోజుల్లో ఫస్ట్ లుక్ విడుదల తేదీని అధికారికంగా ప్రకటించనుంది.
