జూనియర్ ఎన్టీఆర్, రామ్ చరణ్ కలసి నటిస్తుండగా జక్కన్న రాజమౌళి దర్శకత్వంలో భారీ బడ్జెట్ తో డి.వి.వి.దానయ్య ‘ఆర్ఆర్ఆర్’ సినిమాని నిర్మిస్తున్నారు. బాహుబలి వంటి సక్సెస్ తరువాత జక్కన్న ఎలాంటి సినిమా తీయబోతున్నాడనే సస్పెన్స్ అందరిలో ఉండగా, ఎన్టీఆర్, రామ్ చరణ్ తో కలసి భారీ ముల్టీస్టార్ సినిమా చేస్తున్నాడని తెలియడంతో అందరిలో ఆసక్తి, ఆశ్చర్యం ఒకేసారి వచ్చేసాయి. ఈ సినిమా ఈ నెల 11 సినీ ప్రముఖుల మధ్య గ్రాండ్ గా ప్రారంభమైంది. ఇక రెగ్యులర్ షూట్ ఈ నెల 19 న హైదరాబాద్ అల్యూమినియం ఫ్యాక్టరీ దగ్గర వేసిన సెట్లో మొదలవ్వనుంది. సినిమా మొదలే భారీ యాక్షన్ ఎపిసోడ్ ఇక్కడ జక్కన ప్లాన్ చేసినట్లుగా తెలుస్తుంది.
అయితే ఒకవైపు జక్కన్న, మరో వైపు ఇద్దరు స్టార్ హీరోలు కలసి చేస్తున్నారంటే ఆ సినిమా పైన అంచనాలు ఒక రేంజులో ఉంటాయి. ఈ సినిమాలో జూనియర్ ఎన్టీఆర్, రామ్ చరణ్ తేజ్ బాక్సర్లుగా కనిపిస్తారనే వార్త గత కొన్ని రోజులుగా మనం వింటున్నాము. కానీ ఈ సినిమా 1920 లో ఆసక్తికరంగా సాగె ఒక దొంగ, పోలీస్ చుట్టూ తిరుగుతుందనే వార్తలు వినిపిస్తున్నాయి. ఒకవేళ ఇదే కనుక నిజం అయితే రాజమౌళి గారు విజయేంద్ర ప్రసాద్ అందించిన ఈ కథని ఎలా తీస్తారనేది ఆసక్తి కరంగా మారింది. భారీ బడ్జెట్ తో తీస్తున్న ఈ సినిమా ని దేశంలో ఉన్న అన్ని భాషల్లోకి అనువదించి రిలీజ్ చేస్తారట.
