ప్రముఖ మ్యూజిక్ డైరెక్టర్ ‘థమన్’, యువ దర్శకుడిగా ఎన్నో భారీ హిట్స్ ఇవ్వడమే కాకుండా, టాప్ హీరోస్ తో సైతం పనిచేసాడు. దాదాపుగా బడా హీరోలకు బ్యూటిఫుల్ మ్యూజిక్ ఇచ్చి అటు తెలుగు, ఇటు తమిళం రెండు బాషల్లోను టాప్మ్యూజిక్ డైరెక్టర్ దూసుకుపోతున్నాడు. అంతేకాకుండా ఫాస్టెస్ట్ 50మోవీస్ మ్యూజిక్ డైరెక్టర్ గా థమన్ కు మంచి రికార్డ్ ఉంది. ఇదిలా ఉంటే తాజాగా టాలీవుడ్ లో ఈ యువ దర్శకుడిపై కొన్ని రూమర్స్ వినిపిస్తున్నాయి. విషయం ఏమిటంటే…థమన్ త్వరలో సంగీత ప్రపంచానికి దూరం కానున్నాడు అని, యాక్టింగ్ పై మొగ్గు చూపుతున్నాడు అని తెలుస్తుంది. వాస్తవానికి ఇండస్గ్రీకి థమన్ ఒక నటుడుగా పరిచయం అయ్యాడు..
స్టార్ డైరెక్టర్ శంకర్ దర్శకత్వం వహించిన ‘బోయ్స్’ చిత్రంలో నటించిన థమన్ తర్వాత మళ్లీ తెరపై కనిపించలేదు. అందరూ ఊహించని విధంగా గొప్ప మ్యూజిక్ డైరెక్టర్ గా మారిపోయాడు. ఇక పాటల పల్లకీలో ఊరేగుతూ ఇప్పటివరకూ దూసుకుపోయిన ఈ కుర్ర మ్యూజిక్ దర్శకుడు ప్రస్తుతం మ్యూజిక్ మానేసీ మళ్లీ నటుడిగా ఎంట్రీ ఇవ్వాలని చూస్తున్నట్లు సమాచారం. అంతే కాదు . త్వరలోనే బాయ్స్ కి సీక్వెల్ గా తెరకెక్కనున్న ‘బాయ్స్-2’ చిత్రం లో నటించడానికి థమన్ సిద్ధమయ్యాడు అని టాలీవుడ్ సినీ సర్కిల్స్ నుంచి విపిస్తున్న వాదన. మరి హ్యాపీగా పాటల ప్రపంచంలో మునిగిపోకుండా సడన్ గా థమన్ కు ఈ ఆలోచన ఎందుకు వచ్చిందో…దాని ఫలితం ఎలా ఉంటుంది చూడాలి.
