యంగ్ రెబల్ స్టార్ ప్రభాస్ నటిస్తున్న ‘సాహో’ చిత్రం ఆగష్టు 30 న.. అంటే మరో వారంలో విడుదల కాబోతున్న సంగతి తెలిసిందే. ఇక విడుదలకు ముందే రికార్డులు క్రియేట్ చేస్తుంది ఈ చిత్రం. ఈ చిత్రానికి అదిరిపోయే ప్రీ రిలీజ్ బిసినెస్ జరుగుతుంది. ఇక అడ్వాన్సు బుకింగ్స్ విషయంలో కూడా అదే జోరు చూపిస్తుంది ఈ చిత్రం. అలాగే పారిస్ లో గల ది గ్రాండ్ రెక్స్ థియేటర్లో ప్రదర్శితమవుతున్న ప్రభాస్ రెండో సినిమాగా రికార్డు సృష్టించింది ‘సాహో’ చిత్రం. తాజాగా ‘సాహో’ ట్విట్టర్ ఎమోజి సింబల్ పొంది మరో అరుదైన ఘనత దక్కిచుకుంది.
అసలు విషయం ఏమిటంటే… ప్రముఖ సోషల్ మీడియాలో ఒకటైన ట్విట్టర్ కొన్ని ప్రధాన చిత్రాలకు ఎమోజీలు తయారు చేస్తున్న సంగతి తెలిసిందే. ఈ లిస్ట్ లో ‘ది లయన్ కింగ్’, ‘అవెంజర్స్’, ‘స్పైడర్ మాన్’, సల్మాన్ ‘భారత్’ వంటి చిత్రాలకు ఎమోజిలు తయారుచేసింది. తాజాగా ‘సాహో’ చిత్రానికి కూడా ట్విట్టర్ ఎమోజి దక్కడం విశేషం. ఏదేమైనా ట్విట్టర్ ఎమోజి పొందిన మొదటి తెలుగు సినిమా మాత్రం ‘సాహో’ నే….! రిలీజ్ కు ముందే ఇన్ని రికార్డులు క్రియేట్ చేస్తుందంటే.. విడుదలై హిట్ టాక్ వస్తే మరిన్ని రికార్డులు క్రియేట్ చేయడం ఖాయం అనడంలో సందేహం లేదు.
