‘బాహుబలి’ తరువాత యంగ్ రెబల్ స్టార్ ప్రభాస్ హీరోగా నటిస్తున్న చిత్రం ‘సాహో’. సుజీత్ డైరెక్షన్లో తెరకెక్కుతున్న ఈ భారీ బడ్జెట్ చిత్రాన్ని యూవీ క్రియేషన్స్ సంస్థ నిర్మిస్తుంది. ప్రభాస్ సరసన బాలీవుడ్ స్టార్ హీరోయిన్ శ్రద్ధ కపూర్ నటిస్తుంది. ఇప్పటికే విడుదల చేసిన ఈ చిత్రం టీజర్ కు అద్భుతమైన స్పందన లభించింది. ఆ తర్వాత పాటల్ని కూడా విడుదల చేయగా అవి అంతగా ఆకట్టుకోలేదని చెప్పాలి. యాక్షన్ సన్నివేశాలకే దర్శక నిర్మాతలు పెద్ద పీత వేసినట్టు స్పష్టమవుతుంది.
ఇక ఆగష్టు 30న ఈ చిత్రాన్ని భారీ స్థాయిలో విడుదల చేస్తున్నారు. తెలుగు, తమిళ, మలయాళ, హిందీ భాషల్లో ఈ చిత్రాన్ని ఏకకాలంలో విడుదల చేయబోతున్నారు. తాజా సమాచారం ప్రకారం ఈ చిత్రాన్ని అన్ని భాషల్లోనూ కలిపి పదివేల థియేటర్లలో విడుదల చేస్తున్నారట. మొదట ఈ చిత్రాన్ని ఆగష్టు 15న విడుదల చేయాలనుకున్నారు. కానీ అదే టైంకి మిగిలిన భాషల్లో పెద్ద సినిమాలు ఉండడం అలాగే వి.ఎఫ్ వర్క్ ఫినిష్ అవ్వకపోవడంతో సినిమాని ఆగష్టు 30 కి మార్చారు. ఎలాగూ ఆ టైం కి సినిమాలు లేవు కాబట్టి ఏమాత్రం సినిమాకి పాజిటివ్ టాక్ వచ్చినా కాసుల వర్షం కురవడం పక్కా అంటున్నారు ట్రేడ్ పండితులు. మరి అది ఎంత వరకూ సాధ్యమనేది ‘సాహో’ విడుదలయ్యే వరకూ వేచి చూడాల్సిందే.
