యువ దర్శకుడు సుజీత్ దర్శకత్వంలో ప్రభాస్ నటిస్తున్న సినిమా సాహో. బాహుబలి తర్వాత చేస్తున్న మూవీ, అందులో భారీ యాక్షన్ సీన్స్ ఉంటుందని టీజర్ లో చెప్పడంతో అంచనాలు భారీగా పెరిగాయి. ఏకకాలంలో మూడు భాషల్లో తెరకెక్కుతున్న ఈ చిత్రాన్ని యువీ క్రియేషన్స్ బ్యానర్ లో వంశీ,ప్రమోద్ లు 150 కోట్లతో నిర్మిస్తున్నారు. ఈ సినిమా అప్డేట్ కోసం తెలుగు ప్రేక్షకులు మాత్రమే కాదు, బాలీవుడ్ అభిమానులు సైతం ఎదురుచూస్తున్నారు. అయితే కొంతమంది సాహో సైన్స్ ఫిక్షన్ మూవీ అని ప్రచారం చేస్తున్నారు. ఆ వార్తలను ప్రభాస్ ఖండించారు. రీసెంట్ గా ఓ నేషనల్ మీడియాకి ఇచ్చిన ఇంటర్వ్యూ లో ఆయన మాట్లాడుతూ “టీజర్ లోని కొన్ని షాట్స్ చూసి సాహో సైన్స్ ఫిక్షన్ మూవీ అని అనుకుంటున్నారు. అది నిజం కాదు.
సాహో ఫుల్ యాక్షన్ మూవీ. ప్రేక్షకులను ఎంటర్టైన్ చేసే అన్ని అంశాలు ఇందులో ఉంటాయి” అని క్లారిటీ ఇచ్చారు. అంతేకాదు సాహో కోసం హై టెక్నాలజీ ఉపయోగిస్తున్నామని, యాక్షన్ పార్ట్ పైనే దృష్టి పెట్టామని వివరించారు. ప్రస్తుతం యాక్షన్ సీన్ రిహార్సల్స్ లో బిజీగా ఉన్న ప్రభాస్ త్వరలో ముంబై లో మొదలుకానున్న షెడ్యూల్లో జాయిన్ కానున్నారు. ఆ తర్వాత సాహో టీమ్ దుబాయ్ కి వెళ్లనుంది. అక్కడే భారీ యాక్షన్ సీన్ షూట్ చేయనున్నారు.
Also, do SUBSCRIBE to our YouTube channel to get latest Tollywood updates.
